web counter
LEXO PA REKLAMA!

SHKARKO APP

App Store
Google Play

E fundit!

x

Kush e përgjoi ministrin Saimir Tahiri?

2 Qershor 2016, 13:37, Aktualitet CNA

Një pajisje përgjimi është zbuluar në zyrën e ministrit të Brendshëm, Saimir Tahiri, i cili ka kryer edhe një kallëzim penal për këtë çështje.

Pak ditë më parë, Ministria e Brendshme ka dorëzuar një kallëzim penal pranë Prokurorisë së kryeqytetit, ku kërkohet të gjenden personat që i kanë vendosur në zyrë ministrit Tahiri aparat përgjimi.

Mendohet se përgjuesi në zyrën e Tahirit është vendosur nga një person që punon pranë ministrisë së Brendshme, por dy javë më parë, ish-kryeministri i vendit paralajmëroi këtë skandal duke theksuar se pajisja mund të jetë vendosur nga një burim intim.

?Në zyrën e Sajë qorrit gjendet një çimkë! Te dashur miq, në zyrën e Sajë qorrit, konkretisht në anën e pasme të grirëses së letrave gjendet një goxha çimke! Kjo e ka tmerruar Sajë qorrin, i cili ka dyshim kryesor 1-zëvendës ministrin e LSI dhe 2- njërin nga asistentët e tij. Por njerëzit afër tij flasin edhe për dy burime të tjera më të mundshme, njeri i huaj kurse burimi tjetër është intim!?, shkruajti Berisha dy javë më parë

Prokuroria e Tiranës ka marrë në dorëzim çështjen ndërsa pajisja e përgjimit është dërguar në laboratorin e policisë shkencore për ekzaminim.. Mësohet se referuar kallëzimit të ministrit është bërë edhe regjistrimi i procedimit penal, për momentin për veprën penale të ?shpërdorimit të detyrës?./ citynews





Lajmet e fundit nga