E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

HABERET E MITROS/ ARI: HUMBËSI I MADH ARRNAUT...

2 Qershor 2016, 16:45, Aktualitet CNA

Për të vrarë kohën, më pëlqen të rrëmoj mes shënimeve Prokuroria e Përgjithshme me anë të një deklarate për shtyp, në të hyrë të prillit 2000, dha haberin e parë zyrtar: Në tunelet e Krrabës janë vjedhur 1 milionë dollarë. Zëdhënësi I kryeministrit, po atë ditë e ngriti stekën në 2,7 milionë dollarë. Unë në fillim besova Prokurorinë: Ajo është e pavarur siç kanë thënë liderët e pozitës?Por të hënën në darkë, pasi I shtoi familjes një djalë dhe hëngri një vezë të kuqe nga të pashkëve, kryeministri Meta mblodhi qeverinë dhe e ngriti më lart stekën: Në tunelet e Krrabës janë vjedhur 2,8 milionë dollarë. Prokuroria lëshoi një deklaratë të dytë. Nuk merret me vogëlsira: As e pranon por as nuk e kundërshton shifrën e Kryeministrit!

Ecë e ecë, mes shënimeve të shumta, dhe mësojmë se prokuroria arrestoi një fshatar, që kishte vjedhur arin me një gomar. Pas shumë hetimesh, u bë një gjyq shëmbëllor. Pati edhe dënime. Vetëm një gjë nuk u mor vesh: Ku është floriri I vjedhur në Krabë?
Duke bërë ?pallë? me mëndje, mu kujtua Lenini. Ai diçka ka shkruar për arin. Në biblotekën personale i kam ruajtur veprat e zgjedhura të babait të komunizmës. Nisa të shfletoj indeksin. Në vëllim e dytë gjeta këto shënime origjinale: ?Do të vijë një ditë kur floriri nuk do të ketë më vlerë. Komunistët do të ngrejnë në çdo kryeqytet të botës nevojtore publike prej ari. Aty do të urinojnë njerëzit?në shënjë hakmarrje për plagët e mëdha që I ka hapur proletariatit ari??
Në qoftë se klasiku i marksizëm-leninizmës, ka të drejtë të bëjë sarkazëm, edhe unë i dhashë të drejtë vetes të bëj ironi. Në Tiranë, gjatë këtij viti nuk do të ngrihet ndonjë hale publike e florinjtë, jo për faj të tezës së Leninit, por sepse nuk ka lëndë të parë! Për arin arnaut mund të thuhet I njejti postulat si për tragjeditë e Eskilit: Ky humbës I madh!
Ka pasur apo nuk ka pasur ar me shumicë Shqipëria? Në një shënim të Kontit Çiano, mbi një studim të bankierëvë italianë në vitin 1938 theksohet: ?Shqipëria është vendi më i pasur në botë, në monedha ari për frymë të popullsisë. Për shekuj me radhë, djemtë shqiptarë kanë shkuar nizamë (ushtarë) me pagesë në Anadoll. Pagesa është bërë me mexhite të arta. Ato kanë mbetur pronë e qytetatarëve, sepse shqiptarët më shumë preferojnë të mbushin qypat me florinj se sa të investojnë! Shtrohet problemi dhe detyra juaj si bankierë që ky ar të eksportohet në Romë…?
Çfarë ndodhi?…Një superbankier italian hodhi idenë e zbrazjes së qypave. ?Nuk është nevoja të përdorim forcën,- tha italiani i mënçur. Do t’I bëjmë shqiptarët që të vinë vetë si cjapi tek kasapi!… Do të hedhim në qarkullim napolonë floriri dhe napolonë prej letre. Napoloni prej karte do të jetë më I shtrenjtë se napoloni prej vërteti?? Kështu u zbrazën një pjesë e qypave me florinj?
Një pjesë të arit e morën gjermanët dhe e degdisën në Berlin. Kur mbaroi Lufta e Dytë Botrore, ari i grabitur nga Gjermania përfundoi në Londër. Në bazë të Traktatit të Paqes mes Fuqive të Mëdha dhe Gjermaninë, u vendos që ari I grabitur ti kthehej Shqipërisë.
Shkoi ta merrte në Londër Hysni Kapua me Behar Shtyllën. Kur anglezi po bëhej gati të hidhte firmën, erdhi haberi në Londër: Komunistët e Enverit, me ndihmën e komunistëve të Titos kishin minuar Kanalin e Otrantos! Anijet e Flotës Angleze, duke kaluar ndeshën në mina. Pati dëmtime. Një gjykatë ndërkombëtare nxori fajtore qeverinë e Shqipërise dhe e detyrojë të paguante disa milionë dollarë si dëmshpëerblim.
Komunistët në pushtet nuk e njohën vendimin e Gjyqit të Hagës?Dhe ari u bllokua për 50 vjet rrjesht, deri sa u kthy në Shqipëri disa vjet më parë. Kuptohet, kokoshi ishte kthyer në thelën e plakës!
Pasi e nisi me lavdi bllokimin e arit në Londër, Enveri u kujtua se florinj kishte vendi ende me shumicë. Dikush I kujtojë idenë e bankierit italian. Çfarë thoni more të uruar! Nuk jami për mënyra kapitaliste. Ne jemi revolucionarë! Erdhëm në pushtet me grykën e pushkës? Erdhëm. Po me pushkë do të grumbullojmë edhe floririn, sepse I takon popullit dhe do ta shpenzojmë për popullin!
Dhe e mbajti fjalën! U derdh gjak. U mbushën burgjet me borgjezë. U plotësuan organikat e kampeve të përqëndrimit. Dhe direktiva u zbatua në mënyrë krijuese: Qypat nuk u zbrazën por u bënë copë e çikë! Kur e pyetën një herë sahokun Enver për arin tha: ?Ari nuk u zhduk, por u transformua në fabrika ku punon kllasa puntore. Në bunkerë ku mbrohet liria dhe pavarësia e Atdheut tonë socialist! Në koromane që të hanë kalamanët!?