E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Vrasja e të riut shqiptar në Milano/ Ndocaj paguan mbrojtjen

1 Qershor 2016, 16:27, Aktualitet CNA

Deputeti Eduart Ndocaj do të paguajë mbrojtjen në gjyqin për vrasjen e të riut shqiptar në Milano nga një pensionis italian. Lajmin e ka bërë me dije vetë deputeti, i cili deklaron se i ka ofruar familjes së viktimës avokatin e tij duke i paguar të gjitha shpenzimet. Përmes një postimi në rrjetet sociale, Ndocaj shkruan se ndërhyrja e tij iu ka nxjerrë jo pak telashe asaj politike ekstreme italiane që e ka përdorur këtë ngjarje për interesa e tyre, duke ngatërruar ngjarjen me fenomenin e vjedhjeve.

“Tashmë është e njohur për opinionin e gjerë vrasja e italianit Francesco Sicignano duke qëlluar vitin e kaluar për vdekje të riun shqiptar Gjergj Gjoni, I cili sipas pretendimeve të vrasësit kishte hyrë në banesën e tij për ta vjedhur.
Sipas prokurorit të çështjes Antonio Pastore bëhet fjalë për vetë-mbrojtje. Mediat lokale përmendin vetëm rolin e prokurorit dhe pretendimet e vrasësit dhe nuk përmendin aspak avokatin mbrojtës të viktimës.
Para disa muaj, kur sapo kishte ndodhur ngjarja deputeti Ndocaj i sigurojë viktimës avokatin e tij personal për ta mbrojtur. Duhet të themi se kjo ngjarje tashmë nuk i përket vetëm drejtësisë, por është përdorur shumë edhe nga politika, kur kjo e fundit ka vendosur ta kandidoj për Këshilltar Bashkiak, edhe pse ky I fundit akoma akuzohet për vrasje dhe nuk kemi akoma një vendim për formës së prerë për të përcaktuar statusin e tij.” thuhet në faqen zyrtare të deputetit Ndocaj.
“Avokati I viktimës do të bëj të pamundur për të mbrojtur palën shqiptare me argument ligjore si dhe të mjekësisë ligjore. Flitet se avokati i ofruar nga deputeti Ndocaj për të mbrojtur drejtësinë e viktimës shqiptare, ka bërë edhe ekspertizë mjeko-ligjore nga një mjek ligjor. Deri tani nuk është përcaktuar një audiencë, sepse akoma nuk kemi përfundim të hetimeve dhe të versioneve mjeko-ligjore.” vijon më tej deklarata.
Ndocaj shprehet se para një javë ka ardhur në Shqipëri dhe ka takuar për të disatën herë familjarët e shqiptarit të vrarë dhe sipas tij kjo është një çështje shume serioze ku duhet të fitojë drejtësia, kushdo qoftë ajo.