web counter
LEXO PA REKLAMA!

SHKARKO APP

App Store
Google Play

E fundit!

x

Kreu i Policisë Shkodër: Në male po hapen territore të reja për mbjellje kanabisi

1 Qershor 2016, 16:00, Aktualitet CNA

Kreu i policisë së Shkodrës, Lorenc Panganika ka deklaruar se në zonat malore po hapen territore të reja për mbjelljen e kanabisit. Në një takim të përbashkët mes aktorëve lokal dhe uniformave blu, u njoftua se këto ditë do nisë puna intensive në terren.

“Janë shpërngulur në zonat e thella malore. Po hapin territore dhe po i bëjnë gati dhe janë në fazën e hedhjes në tokë të bimëve narkotike. Ka mënyra të ndryshme që edhe personat që mund të informojnë të mos identifikohen.” ka deklaruar kreu i Policisë Shkodër.  Kryebashkiakja Voltana Ademi dhe prefekti Paulin Radovani theksuan se duhet shtrënguar shtegu i tregtimit për të mos patur këtë hartë të zgjeruar kultivimi.

“Sidomos në zonat e varfra ku nuk ka një mundësi tjetër ky fenomen është më i shtuar. Prandaj, pjesë e parandalimit është jo vetëm verifikimi, por duhet parë bashkë jo vetëm, por edhe qeveria qendrore  duhet të shohim problematikën për zhvillimin e këtyre zonave.” është shprehur Ademi, ndërsa Prefekti i qarkut Shkodër theksoi se lufta kundër drogës duhet të jetë paralel me luftën kundër varfërisë. “Edhe policia duhet të hapë sytë, se nëse i shtrëngohet shtegu me u tregu ky mall, pa dyshim që interesi për me u mbjell do të jetë ky që është sot.” shtoi më tej Prefekti.

 





Lajmet e fundit nga