E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Video skandali/ Dëshmia e plotë e vajzës dhe akuza e prokurorisë

24 Maj 2016, 18:43, Aktualitet CNA

Citynews ka arritur të zbardhë të plotë dëshminë e 20 vjeçares me iniciale A.A, e cila filmoi ish-Kryebashkiakun Shukri Xhelilin teksa kërkonte favore seksuale në këmbin të vendit të punës. Në dëshminë e saj, 20-vjeçarja shprehet se kontakti i parë me Xhelilin ka qenë përmes rrjetit social Facebook. ?Para rreth tre vitesh kam mbaruar arsimin e mesëm të përgjithshëm në gjimnazin Peshkopi. Në muajin shkurt 2016, duke qenë se isha e papunë, mendova që të kërkoj punë në Bashkinë Dibër. Duke qenë se e kisha të vështirë takimin e drejtpërdrejtë me kryetarin e Bashkisë, Shukri Xhelili, pasi ai pranonte që të takohej me njerëz të rëndësishëm, vendosa që t?i shkruaja në faqen e tij në ?Facebook?.? ka deklaruar vajza.

Ndërsa përgjigjia e Xhelilit sipas 20-vjeçares ka qenë ?Përshëndetje A?. Mund të vini të më takoni te zyra ime?. Më pas ajo ka dëshmuar se ka tentuar të takojë Xhelilin në Bashki, por nuk e ka gjetur në zyrë. Pasi ka gjetur numrin e tij të telefonit, 20-vjeçarja ka telefonuar ish-Kryebashkiakun. ?Të nesërmen, nëpërmjet numrit tim të telefonit e kam telefonuar në numrin e tij zyrtar të Bashkisë dhe kemi bërë një bisedë të shkurtër telefonike me këtë përmbajtje: ?Përshëndetje. Kush jeni, më ka thënë Shukriu. I thashë që jam ajo goca që kemi komunikuar në ?Facebook?. Shukriu më tha se nuk mbaj mend se sa goca më shkruajnë në ?Facebook?. Pasi i tregova kush isha, Shukriu më tha që mund të vish te zyra ditën e enjte, që ishte ditë takimesh ose mund të plotësosh një CV?. Me kaq biseda u mbyll.?

Në takimin e parë të zhvilluar me Xhelilin, 20-vjeçarja thotë se ai fliste më tepër personalisht, se sa në lidhje me punën. ?Në pjesën më të madhe të bisedës fliste për mua personalisht. Gjithashtu, Shukriu më tha se kush nuk do ta merrte në punë një vajzë si unë. Në lidhje me punën më tha që nuk kishte vende bosh dhe se kur të lirohen, do të të lajmëroj. Në momentin që po dilja nga zyra, kryetari i Bashkisë Dibër, Shukri Xhelili, më tha që do të flisnim në Facebook ose në telefon. Dy ditë pasi kisha takuar Shukriun, i kam shkruar në Facebook dhe i thashë nëse ishte liruar ndonjë vend pune. Shukriu më shkruante që të duroja edhe pak se nuk ishin liruar vende. Që nga ajo ditë komunikimet me Shukriun ishin të shpeshta si në Facebook, ashtu edhe në telefon.? ka dëshmuar 20-vjeçarja.

Ndërkaq, referuar dokumentave që citynews disponon, mësohet se Xhelili i ka kërkuar në mënyrë të shpeshtë një lidhje me të. ?Gjatë komunikimeve, Shukriu shfaqte interes të vazhdueshëm ndaj meje. Më thoshte që je shumë e bukur, do të ta gjej një punë. Më thoshte të kam primare për të të gjetur punë. Gjithashtu më tha që do të ma gjente një punë, nëse unë do të bëhesha mikesha e tij. Vazhduan komunikimet e vazhdueshme duke biseduar edhe rreth gjërave të tij personale, si dhe interesave që kishte ndaj meje. Kur isha herën e dytë te zyra, më tha ?A je e gatshme që të kemi një lidhje bashkë, që të mos e marrë vesh askush??.

Dëshmia e 20-vjeçares vijon më tej duke rrëfyer se pas takimit të dytë, Xhelili i ka kërkuar takim në një ambjent privat. ?Pas takimit të dytë, Shukriu më shkruajti në Facebook dhe më kërkoi që të më takonte diku në një ambjent privat. Duke parë se kryetari I Bashkisë Shukri Xhelili kërkonte favore seksuale në këmbim të vendit të punës, me qëllim, kam vazhduar lojë, pasi ai po më fyente me këto kërkesa. Në këto kushte, i kam kërkuar që të më fuste në punë dhe pastaj të takoheshim. Në një moment, gjatë komunikimeve Shukriu më tha ?të hënën bëhu gati që të emërohesh?.

Më pas të gjitha momentet sipas 20-vjeçares janë filmuar me kamera. Ndërkaq, organi i akuzës ka kërkuar ?Arrest me burg? i parashikuar nga neni 237 i Kodit të Procedurës Penale.