E fundit!

07:07 Sociale

Reshje në formën e shtrëngatave/ Moti për ditën e sotme

Ditën e sotme vendi ynë do të ndikohet nga pothuajse e një...

Nga Kastriot Myftaraj/ Erion Braçe, me mllefin e shprehur ndaj “Skënderbeut”, sikur e mohon që është korçar

24 Maj 2016, 17:32, Aktualitet CNA

Njeriu më i nervozuar në Shqipëri që ?Skënderbeu? i Korçës fitoi për herë të gjashtë titullin kampion, na qenka djali i Mirdash Braçes, nga Lozhani i Korçës, Erioni, i lindur në Laprakë të Tiranës, dhe i konvertuar në ?partizan? në lagjen e tij.
Është për t? u habitur me këtë sjellje të Erionit sepse gjyshi i tij nga babai, Bajrami, njihet si një nga tifozët më të zjarrtë të Skënderbeut që prej krijimit të këtij klubi. Që shumë vite para se të krijohej klubi ?Partizani?, Bajrami ishte i njohur në Korçë si një nga prijësit e grupit të famshëm të tifozëve të fshatit Lozhan, të cilët në ditët kur kishte ndeshje ?Skënderbeu? udhëtonin me kuaj e mushka që në mëngjes herët, për të qenë të parë ndeshjen së bashku me tifozët e tjerë korçarë.
Ku e gjeti Erioni këtë përkushtim ndaj ?Partizanit?? Në kohën kur partizanët vinin rrotull Lozhanit, Bajrami shikonte punët e e familjes së vet, çka kuptohet edhe nga fakti se në nëntor 1944 atij i lindi një djalë, Mirdashi, babai i Erionit.
Erioni këtë vit ka një ngjarje të shënuar, feston 20 vjetorin e zgjedhjes për herë të parë deputet. Se që ta dini Erioni u bë për herë të parë deputet në zgjedhjet e 26 majit 1996, të cilat partia e tij, PS-ja, i bojkotoi që në ditën e mbajtjes së tyre dhe më pas duke mos hyrë në parlament. Kur më pas u bë marrëveshja e famshme e 9 marsit mes partive politike, pas së cilës deputetët e PS-së zunë vendet e tyre në Kuvend, njëri prej tyre ishte dhe Erioni. Pavarësisht se kur hyri Erioni në parlament, ligjërisht ai është bërë deputet që në 1996, pra në moshën 24 vjeç.
?Deputet? është profesioni i parë dhe i vetëm i Erionit, i cili nuk kishte bërë asnjë punë tjetër para se të bëhej deputet dhe nuk ka bërë as më vonë. Ndonëse Erioni shënon në jetëshkrimin e tij zyrtar si punë që ka qenë gazetar te gazeta e partisë, ?Zëri i Popullit?.
Nëse Erioni bëhet deputet edhe në zgjedhjet e ardhshme, në 2017, atëherë në 2021, ai do të arrijë rekordin e çuditshëm që në jetën e tij të ketë më shumë vite kur ka qenë deputet, se që nga lindja deri në ditën që u zgjodh deputet. Një tifoz me këto rekorde, Korça e traditave të mëdha, ia fal me shumë dëshirë ?Partizanit?, pasi klubi me këtë emër abstrakt, nuk turpëron as nderon ndonjë qytet apo krahinë, përveç ndoshta partisë që e emërtoi kështu, sepse me këtë emër ishte krijuar një klub në Beograd.
Sa për ato që thotë Erioni, ai duhet ta dijë se ?Partizani? nuk i shlyen dot borxhet që i ka ?Skënderbeut? që para se të lindte Erioni dhe më pas në periudhën kur Erioni nisi të kuptonte futbollin. Le të përmendim këtu vetëm marrjen e Jani Kaçit, portierit legjendar, në kohën kur ?Skënderbeut? i duhej shumë, apo më vonë marrjen e një talenti si Gilbert Rrapo, për ta mbajtur në stol.