E fundit!

07:23 Aktualitet

Kërcënoi pronarët në Tropojë/ Rama degjeneron ish-zv.ministrin socialist: E bënte rrumbullak gjumin në zyrë

Kryeministri Edi Rama ka nxjerrë mesazhet e ish-zëvendësmi...

Nga Edison Ypi/ Pasionar

23 Maj 2016, 20:27, Aktualitet CNA

Trim ?
Katër dërrasa në formë trapi, bidon me ujë, rrotë djathi kaçkavall, ca paketa cigare, dërrasat mbi det, vetë mbi dërrasa, drejt e në Itali.
Frikacak?
Dridhet si purteka dhe fshihet si miu nëpër vërra nga frika e ndërlikimeve më të vogla në familje, shoqëri, punë.
I ditur?
Preferon ta quash Erudit. Pasi t’i thotë me emër e mbiemër hajdutët e mëhallës, ta bën fije-fije gjepolitikën planetare dhe t?i shkoqit divat e politikës së botës për pesë minuta.
Gdhë?
Trung, tyç, brryl, kopan. Thotë ?i kam ditur të gjitha, tani i kam harruar?. T’i thuash, ma trego me dorë nga bie Durrësi, nden dorën nga Elbasani.
I ndjeshëm?
Aq sa era fryn në Australi, ky rrëqethet këtu. Një fjalë të vetme ofenduese shpifëse thënë nga dikush e lë pa gjumë. Natën në pyll dëgjon krisma violine më të bukura se të Paganinit. Kur kalon me makinë tek ?Vorri i Ashikut? dridhet si purteka nga vibracionet e nëntokës, mallit të mbuluar, kohës së shkuar.
I pandjeshëm?
Lëkurëtrashë si derri. Shaje, shtyje, shpife, pështyje, godite, gëk nuk bën.
I pasur?
Margaritarët shumëmilionësh i ka në kraharor, në gji.
I varfër?
Ka ngritur një hotel. Njerëzia thonë me habi: ?Ua sa i pasur ky? I rruat hoteli, moteli, kurvat, kurvarët. Ka më tepër borxhe se pasuri.
inteligjent?
Punon në laboratorët më të sofistikuar të planetit, në kompanitë më prestigjioze,
Budalla?
Aq sa, një herë në disa vite i transferon kacidhet e fundit nga xhepi i vet në xhepat e një më budallai se vetja.
Punëtor?
Qen i punës. Ngre tulla, hedh llaç për të ndërtuar shtëpinë, shet e blen, pa mbushur tetë vjeç. Po t?i duhet nis një biznes edhe kur është shtatëdhjetë vjeç.
Dembel?
Edhe frymë përton të marrë.
I lirë?
Si era.
Skllav?
Po, skllav i pështirë, përpara eprorit, përpara më të fuqishmit të cilin e adhuron, e ka model, e ëndërron.
Kokëkrisur?
Nxjerr koburen vret dikend që kaloi me makinë ja cikrosi pantallonat. Njëzet vjet burg! S?ka problem. Burgu për burra është!
Kurioz?
Sëmuret, bëhet keq, përfundon në spital përfundo, në varr është gati të vejë, po nuk diti një nga një të gjitha hesapet, të gjitha hallet e tjetrit.
I mëshirshëm?
Si Zoti.
I pamëshirshëm?
Nuk bën dallim mes prerjes së fytit të një pule dhe të një foshnje.
I turpshëm?
Po, por sa më larg të afërmëve, miqve, familjes.
I paturpshëm?
Këtu luhet gjithë kohës kampionati botëror i paturpësisë me çmimet përkatëse me të gjitha. ?Mësalla me dy faqe? harroje. Këtu mësalla ka aq faqe, sa jeta e secilit ka hendeqe.
Dashurues?
Deri në urrejtje.
Urryes?
Deri në dashuri.
Besnik?
Po, ndaj gjithçkaje të paqartë, të turbullt të kësaj bote, kësaj jete.
I pabesë?
Rregullisht, përpikmërisht, ndaj çdo individi të mbarë dhe rrjedhimisht të pavëmendshëm.
Besimtar?
Sidomos kur sëmuret, ose kur sheh plakën me kosore tek i afrohet. Atëherë nis e adhuron e i lutet perëndisë me zjarr.
Ateist?
I përsosur! Një herë iu vërsul, i bëri shesh me kisha e xhamia. Tani që kisha e xhamia u ndërtuan të reja, shko shihi, i ke bosh fare.
I drejtë?
I dëshpëruar?
S’ka drogë ta sjellë në vete.
Entuziast?
Sa drogon drogën.
Qytetar, fshatar, i ditur, i marrë, i prapë, i mbarë, është mbret, është car, është plot zjarr, s?di mes, s?di midis, s?ka karar, është shqiptar, është pasionar.