web counter
LEXO PA REKLAMA!

SHKARKO APP

App Store
Google Play

E fundit!

x

Dita pa Makina në Tiranë/ Ja rrugët ku ndalohet qarkullimi

21 Maj 2016, 15:07, Aktualitet CNA

Në kuadër të ?Ditës pa Makina?, Bashkia e Tiranës ka bërë publike rrugët që do të kufizohen në kryeqytet.

Rrugët që do të bllokohen janë: Unaza e Vogël,  sheshi ?Skënderbej? dhe  pjesa në Bulevardit ?Dëshmorët e Kombit? deri te ura e madhe, pranë Hotel Dajtit.

Gjithashtu, gjatë ditës së nesërme qarkullimi do të shmanget në rrugët ?Degë Gjon Luli?, ?Ibrahim Rrugova?, Ura e Taivanit, Bulevardi ?Dëshmorët e Kombit?, ura te Rruga e Elbasanit, rruga ?George Bush? para Parlamentit dhe Rruga e Barrikadave.

Për këtë arsye, Bashkia Tiranë sqaron se përdoruesit e makinave duhet të shmangin lëvizjet në Sheshin ?Skënderbej?, ndërsa bën me dije se shërbimi i transportit urban do të vijojë normalisht, duke devijuar vetëm stacionet përgjatë zonës me trafik të kufizuar në rrugët dytësore.

Bashkia e Tiranës fton qytetarët të marrin pjesë në aktivitetet e organizuara në ?Ditën pa makina?, ku do të kenë mundësi të ndjekin panairin e produkteve bio dhe atë të turizmit të aventurës, transmetimin e dokumentarit ?Një turist në Tiranë? në kinemanë verore te Parku Rinia, projektimin e fotove të kalave në rrethina, si dhe monumenteve të natyrës, stendën e profesionistëve që punojnë me materiale të riciklueshme ose panairin e organizatave mjedisore.

Gjithashtu, nuk do të mungojnë aktivitete për të rinjtë, si kalërim me kuaj poni, festivali i balonave, fusha të lëvizshme mini basketbolli, fusha të lëvizshme tenisi, fusha të lëvizshme mini futbolli, koncert me performues të ?Tirana Art Fest?, koncert nga Qendra për fëmijë ?Bujar Alliu?, koncert Bras Band Uart, koncert Jazz i grupit All Band, Latin Beat dhe kërcim sportiv, si dhe grupi i piktorëve të vegjël që do të hedhin në telajo sheshin ?Skënderbej?.





Lajmet e fundit nga