web counter
LEXO PA REKLAMA!

SHKARKO APP

App Store
Google Play

E fundit!

x

Skandali në arsim/ Rikthehet në detyrë drejtori i korruptuar i arsimit në Devoll

17 Maj 2016, 17:21, Aktualitet CNA

Ndërsa së fundmi janë përhapur skandalet në disa prej fushave në vend, një skandal i vërtetë ka ndodhur në Devoll. Bëhet fjalë për rikthimin në detyrë në pozicionin e Drejtorit të Arsimit të Devollit të Alban Fetollit, i akuzuar më parë për korrupsion. Burime zyrtare thanë për citynews se Fetolli është rikthyer në pozicionin që ai mbante një vit më parë.

Alban Fetolli është një nga drejtuesit e institucioneve të arsimit të akuzuar jo vetëm në media, por edhe nga arsimtarë dhe qytetarë të shumtë. Një vit më parë, citynews (atëherë CityFm.Al) ka raportuar se Fetolli kryente emërime të mësueve në këmbim të shumave të konsiderushme të cilat shkonin deri në 5 milionë lekë.

Punonjës të Arsimit në Devoll denonconin Alban Fetollin se kishte shkarkuar nga puna mësues me arsim përkatës.

Por këto nuk janë akuzat e vetme që rëndonin mbi Alban Fetollin, i rikthyer sërish në ?vendin e krimit?. Fetolli është emëruar në këtë post pa konkurs, madje të njëjtat burime kanë thënë për citynews se ai ka falsifikuar notat e diplomës të Arsimit të Lartë.

Një vit më parë u tha se Alban Fetolli ishte drejt shkarkimit, lajm ky që ?lehtësoi? shumicën e arsimtarëve dhe qytetarëve në Devoll, pasi mendonin se tashmë kjo Drejtori do të drejtohen me profesionializëm dhe pa korrupsion siç vepronte Alban Fetolli. Ky i fundit mendohet se ka mbështetjen e fortë të deputetit socialist Ylli Ziçishti. Burimet thanë se rikthimi i Alban Fetollit në detyrën e mëparshme lidhet me zgjedhjet e ardhshme, strategji kjo e drejtuar në bashkëpunim me deputetin Ziçishti.

Implikimi i deputetit socialist në Drejtorinë Arsimore nuk është vetëm ai i artikuluar më sipër. Në shtatorin e vitit të kaluar, në media u publikuan filmime ku tregohej se deputeti i ?Rilindjes?, Ylli Ziçishti, bënte emërime të mësuesve në shkollat e Devollit, në kundërshtim të plotë me ligjin. Në përgjime, tregohej gjithashtu se deputeti vendoste se kush duhej shkarkuar nga puna.

Një person aspak i mirëpritur nga arsimtarë të Devollit, një zyrtar i akuzuar fort për korrupsion tashmë rikthehet në ?vendin e krimit? në prag të zgjedhjeve./citynews

Ja lajmet e publikuar nga citynews ku raportohej largimi i Alban Fetollit dhe implikimi i deputetit socialist në emërimin e mësuesve.

Drejt shkarkimit drejtori i Zyrës Arsimore të Devollit

Skandali/ Deputeti Ziçishti emëron mësuesit në Devoll





Lajmet e fundit nga