web counter
LEXO PA REKLAMA!

SHKARKO APP

App Store
Google Play

Rudina Xhunga i kërkon dorëheqjen ministrit Haxhinasto

16 Maj 2016, 12:46, Aktualitet CNA

Gazetarja Rudina Xhunga, shkruan në një opinion të sajin se ministri i Transportit, Edmond Haxhinasto duhet të japë dorëheqjen si fajtor i aksident tragjik në Kvajë, ku dy fëmijë humbën jetën për pasojë të mungesës të trafikndarëses.

Në shkrimin e saj, Xhunga argumenton se ministri Haxhinasto është përgjegjësi moral i aksidentit.

?Hetimet u bënë. Shkaktari u gjet. Vdekja ndodhi sepse trafikndarësja ishte çarë për të lehtësuar punën e një karburanti, në pronësi të babait të shefit të kabinetit të vetë ministrit Haxhinasto. Tre vetë nga ministria e Edmond Haxhinastos, janë në burg. Tani, ministër Haxhinasto, jep dorëheqjen! Je ti përgjegjësi moral i vdekjes së dy fëmijëve.?, shkruan Xhunga

Xhunga argumenton se ministri Haxhinasto nuk ka ushtruar kontroll në këtë rast të pastër përfitimi nga pushteti. Me vetëdije apo pavetëdije, Xhunga shkruan se Haxhinasto është fajtori.

?Ti je nga ministrat më jetëgjatë në gjithë qeveritë shqiptare, do bësh si do bësh, edhe pa një vit më shumë në qeverisje, por nuk do ia bësh dot po vazhdove, sepse askush nuk ka më dyshime, askush nuk ka më dilema; fajtori je ti.Nuk ke ushtruar kontroll në një rast të pastër përfitimi nga pushteti. Me mungesën e informacionit, në rastin më të mirë dhe me mbylljen e syve, para një rasti përdorjeje të pushtetit tuaj, në rastin më të keq, fajtori je ti.?





Lajmet e fundit nga