web counter
LEXO PA REKLAMA!

SHKARKO APP

App Store
Google Play

E fundit!

x

Skandali i përgjimeve/ Pas pajisjes së Samir Tahirit, dy aparatura të tjera në qarkullim

16 Maj 2016, 11:43, Aktualitet CNA

Prej disa ditësh, politika është vënë në alarm pasi me pajisjen e marrë nga Saimir Tahiri, dyshohet se janë vënë në përgjim zyrtarë të lartë të politikës. Por duket se rrjeti i përgjimeve është akoma dhe më i gjerë, kjo për faktin se sipas burimeve, në qarkullim janë dhe dy pajisje të tjera përgjimi. Edhe këto pajisje dyshohet se përdoren për të përgjuar politikanë dhe zyrtarë të niveleve të larta.

Gazeta “Sot” shkruan se  nga organet përgjegjëse është zbuluar se sinjali i përgjimeve për një prej pajisjeve vjen rreth zonës së stadiumit ?Qemal Stafa?, ndërsa për pajisjen tjetër ka dyshime se ajo është e lëvizshme. Mësohet se organet kanë rënë në gjurmët e tyre, por nuk i dihet se si do të veprohet në ditët në vijim me to.

Këto pajisje kanë disa kohë që janë në qarkullim dhe janë përdorur për qëllime nga më të ndryshmet. Ka dyshime se ato janë përdorur për të pasur nën vëzhgim politikanë dhe personalitete të larta të Parlamentit, qeverisë dhe të opozitës. Po ashtu nuk përjashtohet mundësia që këto pajisje të jenë përdorur dhe për përgjimin e qytetarëve të thjeshtë. Pra duket se në vend ka një shumëllojshmëri pajisjesh përgjimi, duke filluar që nga SHISH, policia, Shërbimi Informativ i Ushtrisë, si dhe dy pajisjet më të fundit.

Kjo do të thotë se qytetarë të thjeshtë, por dhe zyrtarë të niveleve të ndryshme janë në përgjim total, kjo për interesa ende të pazbuluara. Shumë dyshime ka ngjallur pajisja e policisë, pasi ajo ka rreth 6 muaj që ndodhet në qarkullim. Dyshimet janë se përmes saj janë vënë në përgjim kundërshtarë të qeverisë e për këtë arsye janë alarmuar të gjithë.

 





Lajmet e fundit nga