web counter
LEXO PA REKLAMA!

SHKARKO APP

App Store
Google Play

E fundit!

x

Bode: Qeveria bën demagogji, nuk ndërtohet rrugë 7 metra e gjërë me 10 milionë dollarë

5 Maj 2016, 18:00, Aktualitet CNA

Ish-Ministri i Financave, Ridvan Bode, tha gjatë fjalës së tij në parlament se qeveria bën demagogji për ndërtimin e rrugës në Vlorë. Sipas tij, me 10 milionë euro që qeveria po kërkon të investojë për këtë rrugë, nuk mund të ndërtohet një rrugë 7 metra e gjërë. Bode tha se rruga do të jetë 3.5 metra e gjërë, aq sa janë rrugët e fshatit.

“Kemi të bëjmë me një demagogji. Kemi të bëjmë me përpjekjen e qeverisë sikur po interesohet për infrastukturën rrugore. Qeveria programon projekte të cilat kanë të bëjnë me lyerjen e fasadave me mbjelljen e palmave, por jo me një investim për infrastukturë të madhe. Ne si opozitë flasim për një realitet. Kush flet për një Shqipëri reale dhe virtuale, qytetari mund ta vërtetojë. Qeveria ka nënshkurar qindra milionë euro investime për rrugët dhe i ka bllokuar. Ne flasim për një Shqipëri reale. Ky është investimi i parë, rruga e parë që miratojmë, si rrugë e re. Shumë mirë që kryeministri, projektin e parë e solli për qarkun ku ai është deputet, por është qesharake kur dëgjon se bëhet fjalë për një projekt që do të investojë 74 km rrugë me 10 milionë dollarë. A duhet projekti të ishte më i plotë ? Rruga është 3.5 metra. Edhe rrugët në fshat janë 4 metra. Nuk ka rrugë me 7 metra të gjërë që të kushtojë për 74 km vetëm 10 milionë dollarë. Ju po bëni namin me këtë investim, por ajo rurgë as me 40 milionë dollarë nuk bëhet. Ky nuk është një investim real. Deri sot keni bërë vetëm vizime dhe keni vendosur hekura. Puna e vështirë është për të bërë asfaltin. Fondet për investime janë përgjysmuar.” tha Bode.





Lajmet e fundit nga