web counter
LEXO PA REKLAMA!

SHKARKO APP

E fundit!

x

Rama në Korçë/ Qeveria fond 5 mld lekë për hapjen e kanaleve kulluese

30 Prill 2016, 19:57, Aktualitet CNA

Kryeministri Edi Rama ka qenë sot në qarkun e Korçës, ku ka vizituar një fermë në Maliq. Shefi i qeverisë është shprehur se qeveria ka vënë në dispozicion 5 miliardë lekë për hapjen e kanaleve kulluese. “Po punohet me intensitet edhe në fushën e Maliqit për pastrimin pas çerek shekulli dhe mirëmbajtjen e kanaleve të ujitjes dhe kullimit, me ndikim të drejtpërdrejtë në ekonominë e familjeve të zonës dhe në ekonominë kombëtare.
Për këtë reformë të vonuar në bujqësi, qeveria shqiptare ka vënë në dispozicion nga buxheti fondin më të madh në 25 vitet e fundit. Vetëm në qarkun Korçë përfundojnë këtë vit 160 km kanale të pastruara falë mbështetjes financiare nga qeveria dhe reformës së sistemit të administrimit të infrastrukturës së ujitje-kulllimit. Bashkia po investon edhe për rindërtimin e urëkalimeve të ujit në Boboshticë dhe për herë të parë uji do të shkojë edhe tek fermerët e Drenovës.” është shprehur shefi i qeverisë.





Lajmet e fundit nga