web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj: Paketa e re, mbështetëse për bujqësinë

30 Prill 2016, 18:40, Aktualitet CNA

Ministri i Financave, Arben Ahmetaj ka deklaruar se qeveria ka bërë gati ndryshimet në paketën e re të bujqësisë, e cila i lejon fermerët kryerjen e pagesave të vogla me para në dorë, kërkesën automatike në sistemin e tatimeve për faturat kompjuterike, klasifikimin me risk zero të eksportuesve në bujqësi, të cilët do të përfitojnë rimbursim automatik brenda 30 ditëve.

 

Në një takim në Drejtorinë rajonale të Tatimeve dhe Doganave me sipërmarrës të qarkut të Elbasanit, Ahmetaj njohu të sipërmarrësit me masat në kuadër të fazës së dytë të aksionit kundër informalitetit. Ministri Ahmetaj nënvizoi angazhimin e qeverisë shqiptare se paketa e re fiskale nuk do të ketë ndryshime të taksave, por vetëm thjeshtim procedurash dhe ftoi sipërmarrjen të japë sugjerimet e veta deri në datën 20 qershor.

Pas dy javësh, tha ai, do të prezantohet aplikacioni i tatimpaguesit dixhital i cili do të jetë një instrument në favor të sipërmarrjes për të adresuar në Ministrinë e Financave pyetje, sugjerime, denoncime dhe kërkesa për informacion. Ahmetaj i bëri thirrje administratës tatimore dhe doganore për komunikim dhe shërbim cilësor e modest ndaj sipërmarrjes sepse sikurse u shpreh ai, ?ne nuk jemi në beteje me sipërmarrjen, betejën e kemi të përbashkët, kundër informalitetit?





Lajmet e fundit nga