Skandali në Durrës/ Reagon Osman Stafa: Kam kontestime do ja paraqes Bashës

30 Prill 2016, 17:13, Aktualitet CNA

Kryetari i Degës të PD në Durrës, i është përgjigjur pyetjeve të citynews, në lidhje me skandalin e ndodhur dje në këtë degë ku Arben Imamit dhe grupit të punës ju është mbyllur dera dhe takimin e kanë zhvilluar në një kafe afër selisë të PD-së.

Osman Stafa tha se ?se pari nuk mendoj dhe besoj që është gjetur momenti i duhur për një ndërhyrje të tillë !? Së dyti shqiptarët ishin dhe janë të përgatitur për zgjedhje të parakohëshme apo për një reagim mbarë qytetar, për të larguar lakun me të cilin sot po i mbysim jo reformat e qeverisë, por represioni i oligarkise?, tha ai.

Z. Stafa, kryetari i grupit të punës për Durrësin z. Arben Imami, nuk ka mundur të zhvillojë takimin prezantues në Durrës. A keni qenë në dijeni të takimit dhe pse keni munguar?

Unë takimin me z. Imami e bëra në Tiranë, pasi kisha disa angazhime të planifikuara dhe nuk kisha mundesi ti anulloja. Për të qenë i hapur dhe korrekt me Ju dhe lexuesin Tuaj unë kam nje sërë kontestimesh të cilat së pari do ja bëj prezente kryetarit Basha dhe forumeve drejtuese te PD-së.

Cili është qëndrimi juaj në lidhje me riorganizimin dhe ndarjen e degës?

Situata tejet e rënduar ekonomike sociale dhe niveli i lartë i kriminalitetit kërkon dhe e vendos opozitën dhe qytetaret përballë sfidave shumë më të rendesishme ku unë mund të them jetsore për të sotmen dhe të ardhmen e demokracisë shqiptare.

Është e vertetë që ka patur dhe ka probleme te karakterit organizativ dhe bashkëpunues të strukturave si ne nivel qëndror dhe lokal. Këto probleme janë mëse të eleminueshme duke patur vullnet, gadishmëri dhe pergjegjësi nga çdo drejtues sipas pergjegjsive qendër-bazë. Ku sejcili të bëjë punën sipas pozicionit dhe përgjegjsive. Qytetaret dhe strukturat kanë nevojë për të ju rikthyer besimin përballë kesaj situate. Besimi rikthehet me angazhim, përgjegjësi pjesmarrje dhe kontakte të qytetarit. Duke i paraprirë me aksione politike dhe alternativa të problematikave që sot kanë qytetarët shqiptarë.

Si jeni njohur në riorganizimin e degës dhe a do pranoni këtë ndarje?

Gjej rastin te falenderoj qindra demokratë dhe qytetarë që më kanë telefonuar për të ditur apo sqaruar lajmet që më parë janë bërë objekt në media sesa jemi njohur Ne si drejtues degësh ….Njëkohësisht i siguroj qe do jem aktiv dhe pranë tyre për të denoncuar dhe për t?u përballur me këte “sekt” oligarkesh që quhet rilindje.

Jam krenar për punën që kam bërë unë dhe bashkëpuntorët e mi në aksionin politik si kryetar i PD-së për të denoncuar situatën e rënduar ekonomike, sociale dhe krimin në nivel lokal dhe kombetar. Si dhe te siguroj qytetarët dhe demokratet që ky bashkpunim do te vijojë sot dhe nesër. Gjej rastin te ftoj cdo qytetar dhe demokrat ti bashkengjitet ketij aksioni qytetar për të larguar sektin rilindje nga pushteti sa më parë./Intervistoi Elvi FUNDO