web counter
LEXO PA REKLAMA!

SHKARKO APP

App Store
Google Play

Mesila Doda: Nëse nuk hapen dosjet, do t’i drejtohemi Kushtetueses

22 Prill 2016, 07:38, Politikë CNA

Kryetarja e grupit parlamentar të PDIU, Mesila Doda ka deklaruar se, nëse Parlamenti nuk hap dosjet e bashkëpunëtorëve të Sigurimit të Shtetit, do t?i drejtohet Gjykatës Kushtetues për të përcaktuar afatet për hapjen e dosjeve të krimeve të komunizmit.

Në një intervistë për gazetën ?Sot? deputetja Mesila Doda thotë se palët politike nuk kanë dëshirë të hapin dosjet dhe kjo është arsyeja pse, edhe pas një viti që kur ligji është miratuar, nuk ka dhënë rezultat. Njësoj si ligji i hapjes së dosjeve, po zvarritet edhe nisma për heqjen e dekoratave të atyre që kanë kryer krime ndaj shqiptarëve gjatë kohës së komunizmit.

Deputetja Mesila Doda dhe kreu i PDIU Shpëtim Idrizi muaj më parë kanë depozituar në Kuvend një nismë ligjore për ndryshimin e ligjit për dekoratat dhe titujt e nderit, por kjo nismë ende nuk është marrë në shqyrtim. Ajo thotë se palët politike duhet të lënë mënjanë retorikën dhe manovrat procedurale dhe të miratojnë nismën që u heq titujt dhe dekoratat torturuesve.

Deputetja Doda nuk është optimiste as për veprimin e ligjit të dekriminalizimit dhe miratimit të reformës në drejtësi. Ajo thekson se partitë politike kanë mungesë vullneti për të larguar nga parlamenti të inkriminuarit, ndërsa shton se sot i forti dhe shantazuesi bën verdiktin.

 





Lajmet e fundit nga