E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Arrestimi i Shullazit/ Saimir Tahiri propozon ngritjen e Komisionit Hetimor

21 Prill 2016, 13:51, Politikë CNA

Arrestimi i Emiljano Shullazit ishte një nga pikat më të forta të debateve të sotme në Kuvendin e Shqipërisë.

Ministri i Brendshëm, Saimir Tahiri, i ka kërkuar deputetëve të opozitës të ngrejnë Komision Hetimor për çështjen e Shullazit. Ai u shpreh se ngritja e këtij komisioni do të zbulojë të vërtetën.

?Kam një koment shumë të shkurtër për çështjen e Shullazit. Ju sfidoj publikisht: nëse doni të shikoni çfarë ka bërë a nëse ka vepruar apo jo Policia, nëse doni të shihni nëse ka vepruar apo jo Prokuroria ? bujrum, ngrini Komision Hetimor që sot në parlament. Ja ku jeni. Instrumentet parlamentare i keni. Ngrini komision hetimor. Doni të shihni të vërtetën? Lërini pallavrat, lërini llafet, lëreni zhurmën, lëreni baltën ? ejani ngrini komision hetimor sot. Sot! E marr unë përsipër të flas edhe me kryeministrin, edhe me kryetarin e Kuvendit, edhe me kryetarin e grupit të mazhorancës ? ngrini komision hetimor sot!? tha Tahiri

Më tej, Ministri Tahiri ka thënë se dokumentet që do dalin nga prokuroria dhe policia për cështjen e Shullazit të bëhen publike dhe ai që nuk ka bërë detyrën të shkarkohet.

“Verifikojeni, hyni në çdo dokument e letër të Policisë e Prokurorisë dhe shikoni kush ka vepruar e kush jo. Me një premtim: që ato letra pasi t?i merrni t?i bëni publike. E të vini këtu e të bëheni bashkë me ne në një iniciativë të vetme: ai që nuk ka vepruar të ikë nga detyra. Ai që nuk ka bërë detyrën të shkarkohet nga Kuvendi. Merreni përsipër këtë, ejani këtu, ngremë komision hetimor ? dhe ai që nuk ka bërë detyrën të marrë faturën. Kjo është sfida që ju bëj. Të tjerat janë fjalë vetëm për të bërë politikë, zhurma juaj klasike vetëm për të zhdukur barrën e përgjegjësisë që duhet të mbajë secili në këtë vend (me detyrë zyrtare apo jo; me funksion publik apo jo; që është në sistemin Gjyqësor, Policinë e Shtetit apo jo ? kjo nuk ka rëndësi për mua). Sepse ky Parlament, kjo opozitë, Partia Demokratike i ka mjetet të veprojë, të verifikojë, të shohë, të nxjerrë (e të vejë) para përgjegjësisë këdo që nuk ka vepruar.?, u shpreh ai