E fundit!

10:19 Kronika

Aset i grupeve kriminale/ Zbulohet baza me arsenal armësh

Zbulohet një bazë me arsenal armësh dhe municioni luftarak...

Kryeplarlamentari gjerman, leksion demokracie në Tiranë

22 Prill 2016, 08:24, Politikë CNA

Presidenti i Bundestagut Gjerman Prof. Dr. Norbert Lammert që mbërriti sot në Tiranë, u dha një leskion demokracie parlamentarëve shqiptarë.

Ai ka vlerësuar tolerancën dhe harmoninë fetare që ekziston në vendin tonë ndëkohë që ka renditur edhe disa hapa pozitive të ndërmarra nga Shqipëria vitet e fundit.

Lammert ka theksuar mes të tjerash se marrëdhëniet mes dy vendeve janë mjaft intensive dhe historike. ?Reforma në sistemin e drejtsisë në ushtrimin e pavarësisë së garantuar të saj, është një kusht i domozdoshëm për në BE?-shtoi ai.

“Unë shfrytëzoj herë pas here çdo rast të sjell në vëmendje që ajo çka e kualifikon një demokraci, nuk është vlefshmëria e parimit të shumicës, por respektimi i të drejtave të pakicës, që shumicat, në fund të fundit, arrijnë të realizojnë vetveten. Sistemi duhet të jetë i kualifikuar për të respektuar të drejtat e domosdoshme të pakicave dhe ky është kusht për zhvillimin: respektimi i të drejtave reciproke dhe të pakicës. E di që kjo është një sipërmarrje e vështirë dhe është shumë e lehtë të formulohet si postulat sesa të ndërthuret në jetën politike konkrete, por pikërisht ngjarje të tilla, sikurse është kujtimi i demokracisë 25-vjeçare në Shqipëri apo edhe në vende të tjera, të cilat asokohe u nisën në rrugën e tyre drejt Europës, janë një rast i mirë për t?u kujtuar dhe për t?u siguruar për këto bindje të përbashkëta.Unë dëshiroj të shpreh respektin për disa arritje dhe zhvillime mbresëlënëse vitet e fundit në Shqipëri. Mua më impresionon në mënyrë të veçantë fakti se këtu në Shqipëri, për sa i përket bashkëjetesës mes besimeve fetare, është arritur një masë e lartë tolerance dhe mirëkuptimi të ndërsjellë, ndryshe nga ç?e kam përjetuar dhe vëzhguar në vende të tjera europiane. Ju e shikoni që unë dëshiroj pikërisht të shfrytëzoj rastin për të thënë edhe një herë që bashkëjetesa e paqtë dhe në mirëkuptim të ndërsjellë midis besimeve fetare duhet marrë shembull në të gjitha drejtimet?-tha Lammert.

Kryeparlamentari Meta vlerësoi lart figurën presidentit gjerman dhe kontributin e tij në Shqipëri. Meta siguroi Lammert për avancimin e reformave për anëtarësimin e vendit në BE. ?Mbështetemi fuqimisht në përkrahjen e Bundestagut dhe tuajën për perspektivën evropiane të rajonit tonë?-tha Meta.

Meta shprehu mirënjohjen për procesin e Berlinit dhe vuri në dukje se në kuadër të integrimit të saj evropian, Shqipëria ka ndërmarrë një axhendë ambicioze reformash të thella, ku kryefjala mbetet reformimi i sistemit të drejtësisë, dhe në këtë drejtim, Kuvendi do të jetë platforma e bashkëpunimit konsensual dhe dialogut konstruktiv politik.

?Miratimi pa vonesa i ndryshimeve kushtetuese që kërkon kjo reformë thelbësore, do t?i shërbejë jo vetëm sundimit të ligjit, luftës kundër korrupsionit dhe krimit të organizuar, por mbi të gjitha përmirësimit të besueshmërisë së klimës së biznesit, veçanërisht e rëndësishme kjo për investitorët gjermanë? ? theksoi Meta.