Çfarë është Mossack Fonseca?

4 Prill 2016, 20:45, Aktualitet CNA

Është në orët e para të shpërthimit të vet, por e ashtuquajtura ?Panama Papers? premton të trondisë me zbulimet e veta, madje ka nga ata që e cilësojnë këtë si më të madhe se zbulimi i kabllogrameve të diplomacisë amerikane apo publikimi informacioneve sekrete nga Edward Snowden. Por çfarë është ?Panama Papers? dhe kompania e vënë në qendër të këtij skandali financiar global, ?Mossack Fonseca??

?Mossack Fonseca? është një kompani ligjore me zyra qendrore në Panama. Në faqen e vet zyrtare në internet thotë se ka një shtrirje globale përmes një rrjeti me 600 të punësuar në 42 vende me objektiv rekrutimin e klientëve të rinj.

Ajo ofron shërbime në parajsa fiskale për kompani apo individë kundrejt një pagese vjetore. Operon kryesisht në Zvicër, Qipro, Ishujt Virgjin, Maltë dhe Panama.

Kjo kompani nuk është e vetmja në këtë treg, madje as më e madhje. Në këto shërbime ajo renditet e katërta me më shumë se 300 mijë kompani të administruara prej saj.

Por a janë të gjithë personat që përdorin strukturat ?offshore? në parajsat fiskale të korruptuar, kriminelë apo hajdutë? Jo. Strukturat ?offshore? janë krejtësisht të ligjshme. Biznesmenë vendosin pasuritë e tyre në struktura të tilla për t?u mbrojtur nga kriminelët apo shantazhet.

Megjithatë, kjo nuk përjashton mundësinë që shumë nga personat që përdorin këto skema të jenë të korruptuar, kriminelë, trafikantë apo shkelës të tjerë të ligjit. Një vit më parë, gjatë fjalës së mbajtur në Singapor, David Cameron tha se ?të korruptuarit, kriminelët dhe pastruesit e parave po përdorin kompanitë anonime në parajsat fiskale për të përfituar?.

Vetë “Mossack Fonseca” refuzon të komentojë mbi raste specifikë. Ajo thotë se zbaton me përpikmëri ligjet kundër pastrimit të parave dhe kryen kontrolle të rrepta mbi klientët e vet dhe se ?nuk mund të fajësohet për dështimet e ndërmjetësuesve, që mund të jenë banka, kompani ligjore apo llogaritarë?.

Ajo ofron shërbime në parajsa fiskale për kompani apo individë kundrejt një pagese vjetore. Operon kryesisht në Zvicër, Qipro, Ishujt Virgjin, Maltë dhe Panama.

Kjo kompani nuk është e vetmja në këtë treg, madje as më e madhje. Në këto shërbime ajo renditet e katërta me më shumë se 300 mijë kompani të administruara prej saj.