web counter
LEXO PA REKLAMA!

SHKARKO APP

App Store
Google Play

E fundit!

x

Përgjigjia e Bashës/ Reagon Rama: Jam unë gabim apo ka diçka që nuk shkon?!

31 Mars 2016, 19:06, Aktualitet CNA

Kryeministri Edi Rama ka reaguar pas përgjigjes së Kryetarit të Partisë Demokratike Lulzim Basha lidhur me dialogun për Reformën në Drejtësi. Përmes një postimi në rrjetin social Facebook, shefi i qeverisë ka shtruar pyetjen: “Jam unë gabim apo ka diçka që nuk shkon?!“.

Në reagimin e tij, Rama shkruan se Basha është përpjekur të thotë shumë gjëra njëherësh, po si përfundim nuk merret vesh cila është në fakt përgjigja për ftesën.

Reagimi në Facebook nga Kryeministri Edi Rama

Sot i kam nisur zyrtarisht ftesën këtu bashkëngjitur, zotit Lulëzim Basha. Sapo ka mbërritur mbi tavolinën time, përgjigja e tij, këtu bashkangjitur gjithashtu.

Ju lutem më thoni nëse jam unë gabim apo ka diçka që nuk shkon fare në përgjigjen në fjalë! Sepse më ngjan që letërshkruesi është përpjekur të thotë shumë gjëra njëherësh, po si përfundim nuk merret vesh cila është në fakt përgjigja për ftesën(?!).

Po? Jo? Ndoshta po ndoshta jo? As po as jo? Apo thjesht asgjë?

Sidoqoftë e përsëris, ne jemi gati.

Në ftesën tonë, kemi qenë shumë të qartë që nuk imponojmë asgjë (natyrisht as nuk mund të na imponohet kurrëgjë). Dëshirojmë një forum dialogu konstruktiv dhe konkret, me axhendë çështjesh të dakordësuar 100%. Do të ishte shumë mirë të ndodhte për arsyet që kemi thëmë, por ndërkohë ndodh s’ndodh, ne vazhdojmë me përkushtim punët tona në çdo drejtim. Për Shqipërinë e Gjeneratës Tjetër.

Njerëzit na gjykojnë të gjithëve!





Lajmet e fundit nga