E fundit!

09:19 Kronika

Vrasja e ish-policit/ Apeli i GJKKO-së lë në fuqi dënimin me 28 vjet burg për Ilir Selmanin

Apeli i Gjykatës së Posaçme ka lënë në fuqi dënimin me 28 ...

Me protestat te Parku i Liqenit opozita e radhës kërkon katër dëshmorët e radhës të luftës politike shqiptare/ Nga Kastriot Myftaraj

31 Mars 2016, 16:26, Aktualitet CNA

Në Shqipëri është vendosur një rregull që në 1941, kur u krijua Partia Komuniste e Shqipërisë, që opozita duhet të bëjë demonstrata proteste, ku të ketë të vrarë, pra dëshmorë. Këtu nuk e kam fjalën për luftën antifashiste, por për luftën politike. Partitë krijohen për të marrë pushtetin. Në Shqipëri u krijua Partia Komuniste para se të krijohej Fronti Antifashist Nacional-çlirimtar (shtator 1942), Ushtria Nacional-çlirimtare (korrik 1943) dhe Shtabi i Përgjithshëm i saj (korrik 1943). Partia Komuniste ishte opozita politike, jo ushtarake e regjimit fashist vendas dhe e pushtuesit. Grupi nismëtar për krijimin e PKSH urdhëroi që me rastin e krijimit të partisë të mbaheshin demonstrata në të gjitha qytetet e vendit, ku të provokoheshin përleshje me Policinë, që kështu partia e re të kishte dëshmorët e saj të parë. Në fakt, u mbajt vetëm një demonstratë, në Korçë, ku u vra një komunist, Koci Bako, qeramarrësi i një kafeteri-ëmbëltoreje, pra një mikroborgjez, sipas fjalorit komunist. Ky u shpall dëshmori i parë i partisë së re.
Enver Hoxha, më pas ka thënë se lajmet e para iu erdhën për më shumë të vrarë në këto demonstrate, së paku katër. Në fakt, udhëzimi ishte që të ngulmohej në përleshje me Policinë deri sa të vriteshin së paku katër komunistë. Kjo shifër, katër, do të bëhej ligj i pashkruar më pas në politikën shqiptare. Në 1991, Partisë Demokratike të porsakrijuar si partia e parë opozitare, i duheshin disa dëshmorë në përleshje me Policinë e shtetit komunist, për të krijuar besueshmërinë se ishte antikomuniste. Për këtë arsye u bënë demonstratat e prillit 1991 në Shkodër, ku PD ia arriti të ketë katër dëshmorë.
Kur Edi Rama u bë kryetar i PS-së, ai kërkonte disa dëshmorë, që ta tregonte veten si lider të fortë. Dhe arriti të nxirrte katër dëshmorë në demonstratën e 21 janarit 2011, e cila u mbajt me rastin e shfaqjes së videoregjistrimit ku tregohej Ilir Meta, atë kohë aleat i Berishës, duke kryer bisedime për të shpërdoruar pushtetin për qëllime korrupsioni.
Tashmë që Basha ka ardhur në krye të PD-së, ai e vuan atë që nuk perceptohet gjerësisht si një lider i fortë. Sipas ligjit të pashkruar të politikës shqiptare atij i duhet që të krijojë situatën kur partia nën drejtimin e tij të nxjerrë katër dëshmorët e radhës në protesta. Kjo nuk do të thotë se katër dëshmorët do të nxirren te Parku i Liqenit. Atje përgatitet situata që ata të dalin nga protestat te selia e Këshillit të Ministrave.