web counter
LEXO PA REKLAMA!

SHKARKO APP

E fundit!

x

Deputeti socialist i kërkon llogari Tahirit: Pse nuk arrestuat në flagrancë Strazimirin

31 Mars 2016, 09:42, Aktualitet CNA

Gjatë mbledhjes së grupit socialist, deputeti Piro Lutaj, i ka kërkuar llogari ministrit të Brendshëm, Saimir Tahiri, për faktin që policia nuk e ka arrestuar në flagrancë deputetin Gent Strazimiri, por ka reaguar më vonë nëpërmjet fotove dhe letrës së policisë që i kërkonte atij dorëzimin e armës.

Piro Lutaj, i cili është edhe pjesë e Komisionit të Sigurisë, ka shprehur shqetësimin e mosreagimit të policisë në momentin që deputeti Strazimiri është shfaqur me armë në brez.

Ligji për armëmbatjen pa leje thotë se deputeti duhet të arrestohet në flagrancë në momentin që ai kapet me armë. Kjo ka qenë arsyeja që deputeti Piro Lutaj i ka kërkuar llogari ministrit Tahiri.

Mësohet se në mbledhjen me dyer të mbyllura, Piro Lutaj është shprehur se Policia e Shtetit dhe PS duhej të reagonte më ashpër ndaj kësaj ngjarjeje.





Lajmet e fundit nga