E fundit!

13:54 Aktualitet

Debati për zonat e mbrojtura/ Rasti "Ria Formosa" dhe Revolucioni Portugez i Turizmit

Nga Edi Rama Kur flitet për zhvillimin në zonat e mbrojtu...

A do e pranojë PD si deputet, Visar Zhitin?

27 Mars 2016, 18:45, Aktualitet CNA

Sipas ligjit të dekriminalizimit ai do të duhet të lërë mandatin sa më shpejt, pasi me kërkesën e PD-së u shtua pjesa që deputeti largohet sapo ndaj tij ka një akuzë zyrtare nga prokuroria.

Dhe ligji i dekriminalizimit ka hyrë në fuqi dhe pritet të zbatohet që javën e ardhshme kur do të nisë dhe séanca për miratimin e reformës në drejtësi.

Por në qarkun e Tiranës, në listën e pritjes për deputetë të PD-së është shkrimtari Visar Zhiti, ish-ministër i Kulturës e aktualisht diplomat i Shqipërisë në Vatikan.

Zhiti, si pasojë e një përplasje ?ekstra uficio? me politikanë të lartë të ish-partisë së tij pati pozicione të kundërta që krijuan edhe polemika të forta.

Gjithçka ndodhi pas tragjedisë familjare që i ndodhi si pasojë e vdekjes së djalit të tij në një aksident automobilistik.

Pas kësaj gjëme, kryeministri Edi Rama e propozoi Zhitin (jo thjesht për ngushëllim për fatkeqësinë por ngaqë ishte diplomat) si ambasador i Shqipërisë në Vatikan.

Presidenti Bujar Nishani e refuzoi me forcë dhe publikisht foli keq kundër Zhitit, pasi tha se katolikët e Shqipërisë ishin kundër tij. Në fakt në Tv Klan, prifti i katedrales së Tiranës, ndihmësi i dioqezës, George Frendo, foli kundër Zhitit, duke thënë se katolikët nuk e dëshironin atë. Ndërkaq, nga Kisha Katolike, zyrtarisht nuk doli asnjë përfaqësues. Por as nuk doli dikush që të thonte se deklarata e priftit Frendo ishte personale. Në të githë këtë rrokopujë, disa media theksuan se prapa aferës ?Zhiti? qëndron Aleksandër Frangaj, i cili ka të motrën zv.ambasadore në Vatikan dhe ka ndikuar tek Presidenti me shpresën se do ta emërojë ambasadore.

Nishani ka emëruar si këshilltare gruan e vëllait të Frangajt, ndaj relacionet Tv Klan-Presidencë janë të ngushta. Sa herë ka ndonjë problem me qeverinë, kreu shtetit zgjedh gjithmonë dy ekranet e Frangajt; Klan dhe ABC news për t?iu përgjigjur.

?Unë e quaj jokorrekte që një kandidat për ambasador në Vatikan të shprehet publikisht duke e konsideruar Kishën si inkuizitore. Ky është një qëndrim, i cili mund të krijojë një keqkuptim në raportet e Shqipërisë me Vatikanin. Unë mendoj që raportet e respektit reciprok të Shqipërisë me të gjitha vendet duhet të jenë mjaft të kujdesshme dhe të vlerësueshme, veçanërisht në rastin e Vatikanit, duke mos harruar që në tërësi Vatikani ka një karakteristikë shumë më të veçantë me të gjitha vendet e tjera, është i pakrahasueshëm me vendet e tjera. Shteti i Vatikanit nuk është një Republikë, as parlamentare dhe as presidenciale. Shteti i Vatikanit nuk është as një monarki. Shteti i Vatikanit është një Seli e Shenjtë, për më tepër që ka qenë pranë shqiptarëve në momente shumë të rëndësishme të historisë sonë duke dhënë një ndihmesë të paçmuar në daljen e Shqipërisë nga sistemi i tmerrshëm i komunizmit?, tha Nishani në Klan.

Por nuk vetëm reagimi i kreut të shtetit që sulmoi Zhitin nga ana e PD-së. Pas tij ishte kreu i grupit parlamenta të PD-së, Edi Paloka që iu vërsul shkrimtarit që vetëm pak kohë më parë e kishin vënë ministër Kulture. Paloka tha se ?kandidatura e Zhitit është intrigë e Ramës për të kaluar fëmijët e bllokut në diplomaci?. Pas kësaj, shkrimtari shpërtheu dhe kërkoi të mos përdorej më emir i tij në politikë dhe akuzoi PD-në se po e tradhëton njeriun që e kishte edhe në listat e deputetëve.

Kështu, Zhiti që ka mbetur mes të dy palëve, vetëm pak kohë më parë doli me në krah Erion Velinë, i cili një nga rrugët e Tiranës e emërtoi me emrin e djalit të tij të ndjerë.

Ndërkaq, tani para Bashës është hapur një telash dhe më i madh: nuk e pranuan për ambasador, Visar Zhiti do tu bëhet deputet. Realisht e kanë propozuar vetë në 2013-ën.

Tesheshi.com