web counter
LEXO PA REKLAMA!

SHKARKO APP

App Store
Google Play

Mbledhja e PS/ Taulant Balla: Blushi ofendoi socialistët e Elbasanit, fatin politik e ka vetë në dorë

7 Mars 2016, 14:06, Politikë CNA

Deputeti i Partisë Socialiste, Taulant Balla, ka dhënë për mediat disa detaje në lidhje me mbledhjen e grupit parlamentar të PS-së dhe incidentit me deputetin Ben Blushi në qytetin e Elbasanit. Ai u shpreh se kontestimi i socialistëve të Elbasanit erdhi pasi Blushi i ofendoi ata.

Balla tha se në mbledhjen e sotme deputetët i kanë kërkuar Ben Blushit të japë emrat e kriminelëve brenda PS-së.

?Grupi i PS ka shqetësime për disa deklarata të deputetit Ben Blushit për gjoja disa kriminelë. Iu kërkua në mënyrë të përsëritur se kush janë këta kriminelë. Nuk pati asnjë emër, madje u shpreh se në këtë grup nuk ka të tillë?, tha Balla

Balla deklaroi se Partia Socialiste është një forcë që i mbështet figurat që duan të zgjidhen. Për incidentin në Elbasan ai tha duke iu drejtuar Blushit se nuk duhet ti fyejmë sallat. Sipas tij, duhet zgjedhur midis halleve të sallës dhe dëshirës për një karrige

?Deklaroj me përgjegjësi të plotë se grupi i PS i ka mbështetur figurat që duan të zgjidhen. E gjithë kjo sintoni mes Blushit dhe SHQUP ëhtë për të ardhur keq. Më vjen keq që një sallë nuk do ta dëgjojë. Duhet të kuptojmë që nuk duhet ti fyejmë sallat për që na kanë zgjedhur.  Duhet të zgjedhim mes halleve të sallës dhe dëshirës për karrige. Dhe nuk duhet ti fyejmë sallat për dëshirën e një karrigeje?, vijoi ai

Deputeti socialist nënvizoi se PS është parti demokratike ndërsa u shpreh se fati politik për Blushin do përcaktohet nga vetë ai.

?PS është një parti demokratike. Në momentin e parë që dy deputetë e kërkuan diskutimin e kësaj menjëherë u bë. Ne i dhamë fjalën, por përpara se ti drejtohet me fyerje duhet ti drejtohet me përshëndetje.  Fatin politik, secili e ka në dorën e vetë.?, përfundoi Balla

 





Lajmet e fundit nga