web counter
LEXO PA REKLAMA!

SHKARKO APP

App Store
Google Play

Luciano Boçi, urim mësuesve për 7 Marsin

7 Mars 2016, 09:06, Politikë CNA

Ish Zv. Rektori i Universitetit “Aleksander Xhuvani”, sot deputeti i Partisë Demokratike, i ka përcjellë urimet mësuesve me rastin e 7 Marsit. Përmes një postimi në rrjetin social Facebook, Boçi shkruan:

7 marsi është si ai sirtari i magjishëm personal i sendeve të vogla, me kujtime të mëdha, ku dora pavetdijshëm nxiton të kapë foton e klasës së parë, brenda së cilës cdonjëri nga ne zbulon sikur të ishte përherë i fillimtë, mallin e mësueses dhe jo vetëm.
Aty brenda, në atë foto bardh e zi, dallohen qartazi ngjyrat e vështrimeve të shokëve e shoqeve të fëmijërisë, në garën tonë të përhershme, për t’i falur asaj dashuri, respekt, por dhe pak lojë e për të marrë sado pak nga simpatia e saj, butësia dhe dija e bukur.
Ajo foto e thjeshtë në këtë ditë të të veçantë, na kujton që mësuesi mbetet ai që na dha dorën e shpirtit të tij për të na drejtuar në labirintin e gjatë të sfidës së jetës.
Mbetet ai, për të cilin fjala Gëzuar, duket gjithnjë e paplotë për t’i shprehur urimin e 7 marsit e mirënjohjen e thellë.
Bekime kolegë të mij në misionin tuaj hyjnor!





Lajmet e fundit nga