web counter
LEXO PA REKLAMA!

SHKARKO APP

App Store
Google Play

Ambasadori i OSBE-së, Raunig: Byroja e Hetimit të jetë e pavarur

5 Mars 2016, 18:34, Politikë CNA

Kreu i Prezencës së OSBE-së në Shqipëri, ambasadori Florian Raunig ka deklaruar se Byroja Kombëtare e Hetimit duhet të jetë sa më e pavarur. Në një intervistë në emisionin KAPITAL në Vizion Plus përballë gazetarit Aleksandër Furxhi, Raunig është shprehur se e rëndësishme është që sistemi të jetë funksional dhe i pavarur, pavarsisht zërave për varësinë e këtij institucioni.

“E rëndësishme është që Byroja Kombëtare e Hetimit duhet të hetojë çështjet që i kalojnë Prokurorisë Speciale kundër korrupsionit. Duhet të jetë sistem funksional. Byroja duhet të jetë sa më e pavarur. Ka zëra dhe ekspertë që janë të ndarë sa i takon se nën cilin autoritet duhet të jetë. Është detyrë e politikës që ta vendosë, por e rëndësishme është që sistemi të jetë funksional dhe i pavarur.” është shprehur Raunig.

Për luftën kundër korrupsionit, ambasadori i OSBE-së ka theksuar se, ?lufta duhet zhvilluar në dy aspekte. Nga njëra anë te sistemi, te struktura e institucioneve, e administratës. Këto duhet të jenë të strukturuara në mënyrë të tillë që ta vështirësojnë korruptimin. Ana tjetër ka të bëjë me etikën, me kulturën. Këtu po punojme ne si OSBE. Bashkëpunojmë me të gjitha institucionet, në çdo institucion ka tani njësi antikorrupsion. Këto krijojnë një rrjet dhe ne po punojmë me koordinatorin kombëtar për luftën kundër korrupsionit që ta forcojmë këtë luftë. Shkojmë në Universitete dhe flasim me studentët, të rinjtë për të luftuar mentalitetin dhe kulturën e korrupsionit. Korrupsion ka në të gjithë botën, masat që po merren janë të mira, por ato nuk janë të matshme, duhet kohë që të shihen rezultatet?.

 





Lajmet e fundit nga