web counter
LEXO PA REKLAMA!

SHKARKO APP

App Store
Google Play

E fundit!

x

Shoqëria civile, sërish protestë nesër kundër betonizimit të Liqenit

27 Shkurt 2016, 21:18, Aktualitet CNA

Përfaqësues të shoqërisë civile dhe qytetarë të ndryshëm do të protestojnë sërish ditën e nesërme kundër betonizimit të Parkut Kombëtar të Liqenit nga Bashkia e Tiranës. Mësohet se protesta do të fillojë në orën 10:30, ndërsa është bërë me dije se paqësisht qytetarët do të protestojnë si dhe do të mbjellin fidanë të rinj.

Njoftimi 

Mbro Parkun e Liqenit, të mbjellim pemë në vend të betonit!

Të Dielën më 28 Shkurt ora 10:30, të gjithë bashkë qytetarë të ndërgjegjshëm dhe dashamirës të natyres që e duan hapesirën e përbashkët publike, të mblidhemi për të ruajtur natyrën që na përket të gjithëve.

Pikë takimi do të jetë Monumenti i 100 vjetorit te Parku Rinia në ora 10:30, për të marshur paqësisht drejt vendit të krimit politik në Kodrat e Liqenit.

Ne nuk jemi vandale, por dashamirës të natyrës dhe të mires publike.

Tashmë situata nuk po ndryshon. Bashkia e Tiranës është e vendosur në betonizimin e kësaj hapësire brenda Parkut të Liqenit Artificial pa pëlqimin e qytetarëve, por edhe që kemi protestuar dhe jemi ndeshur me policinë, jemi të vendosur për ta çuar këtë punë deri në fund: Të mbrojmë Parkun e Liqenit me pemë.

Merr me vete një fidan që do ta mbjellësh në hapësiren e rrethuar për betonizim. Nëse nuk ke pemë, eja dhe mbill lule, kazmat dhe lopatat i kemi ne. Bëhu pjesë e ekspozitës me fotografi ?Lagjia ime?, e realizuar nga vetë qytetarët me foto panoramike të lagjeve ku banojnë, kënde lojrash të shkretuara dhe rrugë me baltë e gropa. Fëmijët duan kënde, por duan dhe pemë. Mbrojmë parkun, investojmë për komunitetin në lagjet ku banojmë.

#PerParkun #PerQytetin

Përfaqësuesit e Nismës ?Për Publiken?





Lajmet e fundit nga