E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

A do largohet PDIU dhe Shpëtim Idrizi nga koalicioni qeveritar ?

27 Shkurt 2016, 13:48, Aktualitet CNA

Partia Drejtësi Integrim dhe Unitet u bashkua me koalicionin qeverisës disa muaj më parë. Në shkëmbim të afrimit në koalicion, Idrizi dhe deputetët e PDIU-së kanë kërkuar vazhdimisht poste të rëndësishme në qeveri. Një vit pas afrimit në koalicion, partia e njohur ndryshe e ?Çamëve? ende nuk ka marrë asnjë post të rëndësishëm në qeveri, përveç disa drejtorive pa peshë.

Vendimi i Ramës për të mos të mos i dhënë asnjë post, të paktën zv/ministri, duke mos zbatuar marrëveshjen, e ka bërë kreun e PDIU-në që të “humbasë” durimin dhe të shfaqet disi më i tërhequr. Në këtë marrëveshje, përvec përfshirjes në kabinetin ministror, një nga pikat ka qenë edhe rezoluta e çështjes ?Çame?, e cila nuk duket se është në planet e qeverisë. Një tjetër arsye për ftohjen e marrëdhënieve mes Ramës dhe Idrizit, është mospranimi për shqyrtim i projektligjit për hapjen e dosjeve të regjimit komunist dhe heqjen e dekoratave dhe të titujve të nderit për xhelatët e diktaturës. Propozimi u bë nga vetë Shpëtim Idrizi dhe deputetja Mesila Doda. Kjo e fundit, tre ditë më parë, mbajti një konferencë për shtyp, ku akuzoi Komisioni e Sigurisë se ka kryer një veprim anti-kushtetues duke mos pranuar shqyrtimin e këtij drafti.

Sinjalet e largimit nga koalicioni qeveritar

Këto përplasje, kanë pasur një reflektim në marrëdhëniet e PDIU-së me koalicionin qeveritar. Në seancën e djeshme parlamentare u votuan dekretet e presidentin për emërimin e Arben Ahmetaj në ministrinë e Financave dhe për emërimin e Milva Ekonomit në ministrinë e Ekonomisë. Deputetët e PDIU-së nuk i kanë votuar këto dekrete duke i dhënë një sinjal të qartë, kryeministrit Edi Rama për pakënaqësitë e kësaj force politike. Dje, koalicioni qeveritar u mblodh si cdo javë në takimin tek Vila 30. Në takim morën pjesë krerët e dy partive kryesore, PS dhe LSI, të shoqëruar nga disa deputetë. Ajo që ra në sy ishte mungesa e kreut të PDIU-së, Shpëtim Idrizi. Ky ishte sinjali i dytë brenda 24 orësh për ftohjen e marrëdhënieve mes PDIU-së dhe qeverisë.

Presioni i PDIU-së ndaj qeverisë ka qenë i vazhdueshëm, por në ditët e fundit është rritur ndjeshëm. Mbetet për tu parë se si do të shkojnë zhvillimet politike mes qeverisë dhe PDIU-së. Nga pakënaqësitë e tepërta, nuk përjashtohet një skenar që Shpëtim Idrizi dhe partia e tij të rikthehen në opozitë./citynews