web counter
LEXO PA REKLAMA!

SHKARKO APP

Ministri Bushati takohet me nd/Sekretaren e Shtetit amerikan, Viktoria Nuland

27 Shkurt 2016, 11:09, Aktualitet CNA

Ministri i jashtëm Ditmir Bushati ka zhvilluar një takim me ndihmëssekretaren e Shtetit amerikan, Victoria Nuland.  Intensifikimi i bashkëpunimit në kuadër të partneritetit strategjik me Shtetet e Bashkuara të Amerikës, rakordimi i bashkëveprimit për sfidat me të cilat përballet sot komuniteti ndërkombëtar, siguria energjetike, situata dhe perspektiva e rajonit të Ballkanit Perëndimor, ishin disa nga çështjet e trajtuara gjatë takimit.

Bashkëbiseduesit u ndalën tek kalendari i marrëdhënieve dypalëshe, i cili këtë vit përkon me 25-vjetorin e rivendosjes së marrëdhënieve diplomatike mes dy vendeve, në prag të 1-vjetorit të nënshkrimit të Deklaratës së Partneritetit Strategjik, dhe në vijim të vizitës tejet të rëndësishme të Sekretarit të Shtetit John Kerry në Tiranë.
Znj. Nuland shprehu mbështetjen për përmbylljen sa më shpejtë të reformës në drejtësi. Bushati dhe Nuland diskutuan edhe për zhvillimet e fundit në vend, dhe sfidat me të cilat përballet rajoni i Ballkanit. 
Më pas, ministri i jashtëm Ditmir Bushati është takuar në Këshillin e Sigurisë Kombëtare, me zv. Këshilltaren Avril Haine, ku diskutuan për forcimin e mëtejshëm të bashkëpunimit dypalësh.





Lajmet e fundit nga