E fundit!

13:44 Aktualitet

“Në emër të protestës”/ Tallje me flamurin shqiptar, anarkistët e zëvendësojnë me flamingon

Një grup me pikëpamje neomarksiste dhe anarkiste ka shkuar...

INTERVISTA/ Nishani: Nostalgjikët sovjetikë u mërzitën që prita sekretarin John Kerry

27 Shkurt 2016, 12:15, Aktualitet CNA

Presidenti Bujar Nishani ka qenë i ftuar i parë i sezonit të ri të emisionit ?FAKT? në SYRI.net i drejtuar nga gazetari Çim Peka. Duke folur për zhvillimet e politikës, presidenti Nishani është shprehur edhe për komentet e shumta që janë bërë nga kryeministri Edi Rama dhe analistë të ndryshëm politikë në lidhje me daljen e tij dhe pritjen e sekretarit të Shtetit të SHBA-së John Kerry në Rinas.

Gjatë intervistës Presidenti Nishani ka folur edhe për marrëdhënie që ka me Ramën, ish-kryeministrin Sali Berisha dhe për ambiciet e Ilir Metës për tu bërë pasardhës i tij.

INTERVISTA E PLOTË E PRESIDENTIT BUJAR NISHANI DHËNË PËR GAZETARIN ÇIM PEKA NË SYRI.net

Çim Peka: Z. President përshëndetje.

Bujar Nishani: Përshëndetje

Çim Peka: Lajmi kryesor i këtij muaji ka qenë vizita e sekretarit të Shtetit, John Kerry në Shqipëri, vizitë e konsideruar historike edhe për faktin se një sekretar Shteti, nuk ka vizituar zyrën e Presidentit të Republikës, por Presidenti ka dalë dhe e ka pritur në aeroport dhe kanë pasur një takim prej 4 minutash. Z. President, cila është e vërteta juaj në takimin me sekretarin Kerry.

Bujar Nishani: Së pari, përfitoj nga rasti që të ju uroj gëzuar dhe me këmbë të mbarë studion e re, emisionin dhe punë të mbarë, juve personalisht dhe stafit tuaj të këtij televizioni të ri. E di që rruga e puna është shumë e vështirë sot përsa i takon standardit dhe lirisë së medias në Shqipëri, por unë jam i bindur se njerëzit që kanë pasion dhe i kushtohen profesionalizmit dhe i japin vlerë fjalës dhe transparencës i kalojnë edhe këto vështirësi që ndeshen posaçërisht me atë që unë thashë, gjithsesi për mua është një kënaqësi që jam në këtë emision dhe ju uroj punë të mbarë.

E kam shprehur edhe më parë kur më është dashur ta shpreh, megjithëse e kam quajtur një çështje që nuk ka pasur asnjë lloj arsyeje, madje në kontekstin shtetar, protokollar, etik, nuk mendoja që do të bëhej një çështje debati nga ana e qeverisë, kryeministrit të Shqipërisë. Raportet të veçanta, strategjike, speciale që Shqipëria ka me SHBA, kombi shqiptar ka me popullin amerikan dhe SHBA-të. Gjithsesi për të shuar edhe dashakeqësinë apo le të themi, eksplodimin e subkoshiencës të një nostalgjie ndoshta sovjetike të individëve apo grupeve të caktuara që nuk mund ta frenojnë këtë nostalgji edhe në rastin e vizitës së sekretarit të Shtetit, jam prononcuar dhe në respekt edhe të shikuesit tuaj, po them që vizita e sekretarit Kerry ishte një vizitë shumë e rëndësishme në disa dimensione. Së pari, sekretari Kerry e zgjodhi jo pa arsye ndalimin në Shqipëri, pas konferencës së Munihut. Një ditë para se të vinte ai në Shqipëri, kam ndjekur fjalën e tij në Konferencën e Sigurisë të transmetuar nga BBC. Ishin mesazhe të lidhura me çështje shumë të rëndësishme të sigurisë, të lidhura me kërcënimin që ka sot siguria në hapësirën globale dhe posaçërisht atë Europiane. Këtu Shqipëria është anëtare e NATO-s e ka përgjegjësinë për të përballuar kërcënime të ndryshme që lidhem me sigurinë, jo vetëm në hapësirën euro-atlantike, por edhe rajonale e Shqipëria e Kroacia që tani janë anëtare të NATO-s kanë përgjegjësi për të oferuar kontributet e tyre, ashtu siç ishin mesazhet e tjera të sekretarit Kerry gjatë konferencës së Munihut, çështje që lidhen edhe me shqiptarët, jo vetëm të Shqipërisë, por në tërësi në rajon. Ata që e kanë ndjekur me kujdes vizitën e fjalën e sekretarit Kerry, duhet të kuptojnë mirë edhe përmbajtjen e mesazheve post Munih, në Tiranë të sekretarit Kerry që nga pjesa protokollare, vendosja për të ndaluar në Tiranë dhe çështje për të cilat u trajtuan.

Nga pikëpamja protokollare, procedurale unë kam pasur një kontakt nga ana e ambasadës së SHBA-së të cilët kanë shprehur dhe përcjellë dëshirën e sekretarit Kerry, i cili pavarësisht kohës së shkurtër të vizitës së tij në Shqipëri, vizitë që ishte strikte, një vizitë pune, e lidhur me mesazhet direkt për kryetarin e qeverisë në Shqipëri dhe kreun e opozitës shqiptare, alternativa qeverisëse në Shqipëri. Sekretari Kerry është një ndër personalitet në hierarkinë e SHBA, praktikisht numri 2 i ekzekutivit. Ai kishte parashikuar që të përcillte një mesazh mirënjohje për qytetarët shqiptarë, për atë çka Shqipëria dhe shqiptarët kanë ofruar me vullnet dhe dëshirë, partneritet, miqësi ndaj SHBA dhe këtë do ta bënte tek kreu i shtetit. Për efekte protokollare dhe kohës së shkurtër, stafi i Kerryt është rakorduar që ky takim të bëhej në aeroport. Mua më ka ardhur keq këtu, por qëndrimet e qeverisë shqiptare janë të papranueshme sepse ai ishte një respekt dhe nder që i bëhej Shqipërisë dhe shqiptarëve që nuk mund të anashkalohej pa shprehur mesazhin në emër të SHBA-së dhe presidentit Obama për presidentin e Shqipërisë.

Çim Peka: Z. President, a ishte parashikuar një takim tek salla VIP në Rinas me sekretarin Kerry.

Bujar Nishani: Unë besoj se në aspektin protokollar asnjë detaj nuk ka rëndësi. Për mua ka rëndësi, mesazhi që mora nga sekretari Kerry dhe jam ndjerë krenar që pata fatin që unë si kreu i shtetit shqiptar, të qëlloja në këtë vizitë si kryetari i shtetit dhe të merrja këto mesazhe nga SHBA, për Shqipërinë dhe shqiptarët. U ndjeva shumë i vlerësuar për dëshirën e sekretarit Kerry për të përcjellë këto mesazhe dhe që para rastin ti merrja në emër të të gjithë shqiptarëve. Presidenti i Republikës nuk përfaqëson vetëm ata qytetarë që janë me PS apo PD, që përfaqësohen nga kryetarët e tyre, por për të gjithë shqiptarët që kan kontributet e tyre në këtë marrëdhënie shumë speciale që Shqipëria dhe shqiptarët kanë me SHBA.

Çim Peka: Në kujtesën time, jeni i vetmi president që keni pritur dy sekretarë Shteti, Klinton dhe Kerry. A keni ndonjë gjykim se cila është vizita që i kontribuon më shumë Shqipërisë. Vizita e Klinton apo e Kerryt.

Bujar Nishani: Në aspektin e mesazheve që kanë përcjellë në Shqipëri kanë qenë pothuajse të njëjtat mesazhe. Mos harrojmë mesazhin që dha sekretarja Klinton në vizitën e saj, që kemi qenë gjatë 100 viteve të fundit pranë Shqipërisë dhe do të jemi edhe në 100 vitet e tjera e në radhë. Vizita e Klinton ishte në vrazhdën e një turi rajonal, me një kohë dhe protokoll më të plotë të qëndrimit të saj në Shqipëri, por edhe mesazhet e Kerrit ishin të rëndësishme. Unë do ti ftoja analistët që ti shkojnë pak më thellë në analizën e tyre që i bëjnë mesazheve që dha sekretari Kerri, posaçërisht në çështjet e sigurisë. Edhe aspektet e tjera të mesazhit dhe pjesët e tjera ishin shumë të rëndësishme, por në gjykimin tim, çështje që kanë të bëjnë pikërisht me sigurinë ishin më të rëndësishme e sekretarit Kerri në Shqipëri. Në momentet kur rreziqet reale dhe kërcënimet e drejpërdrejta nga aktorë të cilët vazhdimisht kanë qenë dhe mbeten në destabilitetin e sigurisë së rajonit dhe kjo vjen duke destabilizuar Shqipërinë dhe vendet ku jetojnë shqiptarë. Pra Shqipëria është pjesë e këtij rajoni dhe rreziku është afruar shumë tek rajoni ynë, tek Shqipëria ndaj mesazhet e sekretarit Kerry që SHBA, fuqia më e madhe në botë, lideri i aleancës së Atlantikut është pranë Shqipërisë dhe shqiptarëve prandaj neve duhet të vijojmë rrugën që kemi nisur, rrugën drejt integrimit. Ishin disa mesazhe në kompleks që kalonin nga mesazhi tek mesazhi, dhe atij paraardhës.

Çim Peka: Pak më parë folët për nostalgji sovjetike në Tiranë, një ditë para vizitës së sekretarit Kerry. Çfarë keni parasysh?

Bujar Nishani: Fakti që në mënyrë emocionale u deklarua pakënaqësia për pritjen që Presidenti i Republikës i bënte numrit 2 të SHBA, duke artikuluar fakte të pabaza dhe të paqena, ishte një eksplodim i kësaj subkoshience të fshehur diku në qenien e individëve të caktuar.

Çim Peka: Të kalojmë tek një tjetër çështje e cila ka ngjallur debat kësaj jave, janë dekretet e Presidenti të Republikës mbi shkarkimin dhe emërimin e dy ministrave të rinj të qeverisë Rama. Sot këta dy ministra janë betuar përpara jush. Nuk kishte ndodhur më parë që Presidenti ti drejtohej Gjykatës Kushtetuese në lidhje me shkarkimet dhe emërimet e ministrave të rinj. Çfarë ju shtyu kësaj radhë të bëni një akt të tillë?

Bujar Nishani: Rasti konkret z. Peka, ka dy anë të së njëjtës medalje, që është dekreti dhe kompetenca kushtetuese e Presidentit të Republikës. Njëra anë është çështja procedurale dhe tjetra përmbajtësore e aktit dhe vetësjelljes së Presidentit të Republikës. Çështja është tërësisht procedurale. Kërkova që mësëpari parlamenti ti jepte fuqi dekretit për shkarkimin nga detyra të ministrave që liroheshin nga kjo detyrë, për faktin që të kishte sens juridik dhe logjik, dekreti për emërimin e ministrave të rinj. Pse e them dhe e nënvizoj këtë. Të dy ministrat që liroheshin nga detyra, kishin marrë gati 2 vite e gjysëm më parë një dekret emërimi, një dekret që nuk u kishte dhënë atyre automatikisht fuqi emërimi në detyrë. Sepse në rastin e dekreteve për emërimin dhe shkarkim ministrash për të hyrë në fuqi duhet të miratohet nga parlamenti, që do të thotë se ne që të emërojmë një ministër të ri, duhet të kemi një vakancë. Nëse nuk kemi një vakancë ministri i bie që të emërojmë dy persona për një vend ministri. Dmth nuk ka një logjike shoqërore dhe sens juridik. Së dyti dekreti i ministrave që shkarkoheshin ishin nxjerrë nga unë si president, nuk ishte nxjerrë as nga presidentët e shkuar dhe unë nuk kam fuqi kushtetuese për të anuluar dekretet e nxjerra nga ana ime, përveç Gjykatës Kushtetuese. Por edhe në sensin logjik. Nëse unë nuk do të kisha një vend vakant në ministritë përkatëse, nuk kisha si të justifikoja nga pikëpamja procedurale dhe kushtetuese emërimin e një ministri të ri. Duke qenë se kishim kohë kushtetuese brenda afatit që parashikon për presidentin dhe parlamentin, nxjerrjen e një dekreti dhe miratimin e tij, i kërkova menjëherë parlamentit që ditën që ka ardhur dekreti nga kryeministri që ti jepnin fuqi ligjore dekreteve për shkarkimin e ministrave dhe të vazhdonim në ditët në vijim për emërimin e tyre. Në mënyrë të pajustifikuar, por edhe në shkelje të ligjit, procedurës parlamentare edhe pse dekretet për shkarkimin e ministrave ishin futur në rendin e ditës, parlamenti e kishte miratuar rendin e ditës, drejtuesja e seancës i bllokoi votimin e këtyre dekreteve, në shkelje të ligjit. Dhe padyshim që ky ishte një urdhër politik. Nuk ka ndonjë dyshim dhe surprizë në pjesën e konkluzionit që kam nxjerrë nga ky akt, por nga pikëpamja procedurale ku veprim i papërgjegjshëm politik, jo vetëm që tregoi se parlamenti komandohet nga ekzekutivi çka nuk duhet të jetë kështu, në konceptin e demokracisë, por tentoi të krijonte një ngërç institucional mes Presidentit dhe Parlamentit. Duhet të kemi parasysh se Kushtetuta i ka dhënë presidentit një afat prej 7 ditësh Presidentit për të shqyrtuar dhe nxjerrë dekretet. Këtë ja ka dhënë jo për shkarkimin, por për efektin e emërimit. Jo se nuk ka pasur në të shkuarën raste kur presidenti e ka nxjerrë në distancë kohe, kur Presidenti e ka shtyrë nxjerrjen e dekretit.

Çim Peka: Është rasti i z. Moisiu për tre ministra të qeverisë Nano?

Bujar Nishani: Jo vetëm kaq, por edhe në rastin e zgjedhjes time si President i Republikës, jam shkarkuar nga detyra e ministrit të Brendshëm me dekret të Presidentit të asaj kohe, diku nga mesi i muajit qershor dhe pasardhësi im, ministri Noka është dekretuar nga fundi i muajit qershor. Po gjatë presidencës time, në të gjitha rastet ku unë kam nxjerrë në të njëjtën kohë, emërimin dhe shkarkimin ka pasur të bëjë me rastin kur të gjitha propozimet kanë ardhur për shkak të dorëheqjes së parevokueshme të ministrave. Edhe në rastin e vetë z. Ahmetaj, kur është ridekretuar, është ridekretuar për shkak sepse patëm një ndryshim në përbërjen e kabinetit qeveritar. Nuk kishim ndryshim tek ministri, por u ndryshua emërtesa që do të thotë se u ndryshua përbërja e kabinetit qeveritar. Presidenti i Republikës nxjerr dy lloje dekretesh, atë të përbërjes së kabinetit qeveritar me propozim të kryeministrit se çfarë lloj ministrisë kemi dhe dekretet e ministrave me këtë përbërje të qeverisë. Në rastin konkret nuk kishim dorëheqje të parevokueshme të ministrave, por shkarkim nga ana e kryeministrit dhe teorikisht mund të ndodhë që në parlament teorikisht mund të krijohet një aleancë fluide për shkaqe e qëndrime të ndryshme brenda mazhorancës e cila nuk e miraton dekretin e shkarkimit të miratuar nga Presidenti i Republikës. Do të futeshim në një ngërç institucional dhe kushtetues ku do të kishim dy persona me të njëjtën detyrë. Pra në këtë situatë u ndodha, por unë jam një njeri i angazhuar në politikë në bazën e një standardi të vetëm që është serioziteti dhe konsiderimi i punëve të shtetit, punë serioze dhe jo gallatë kafenesh. Në këtë kontekst unë ndërmora hapin institucional që më parasheh dhe më jep të drejtën Kushtetuta për të kërkuar në Gjykatën Kushtetuese për të kërkuar interpretime ndaj disa pikave që kanë krijuar disa paqartësi dhe neni përkatës i kushtetutës që trajton emërimin e shkarkimin e ministrave në gjykimin tim është i paplotë dhe i paqartë dhe në mendimin tim, i vetmi organ që mund të bëjë interpretimin pas presidentit, sepse Presidenti i Republikës është interpretuesi i parë i Kushtetutës, pas tij ajo që e bën interpretimin e parë është Gjykata Kushtetuese. I jam drejtuar gjykatës, por nga ana tjetër brenda të gjitha afateve dhe normave të punës time, të së drejtës time institucionale dhe kushtetuese vazhdova me dekretimin ku e kam vënë në dijeni edhe gjykatën që kjo është një sjellje institucionale e serioze e Presidentit për të mos krijuar precedentë të tillë të rrezikshëm që të mos vënë në dyshim çështjet e qeverisjes, sepse në fund të fundit nga pikëpamja kushtetuese e drejta e qeverisjes është e koalicionit, partisë apo shumicës që ka fituar zgjedhjet dhe marrë votëbesimin në parlament.

Çim Peka: Zoti President interpretuesi i parë i kushtetutës është Presidenti i Republikës u shprehët, interpretuesi final dhe i prerë i Kushtetutës është Gjykata Kushtetuese. Në interpretimin që i bën presidenti Nishani Kushtetutës së Shqipërisë, a ja lejon Kushtetuta të mos dekretojë një ministër në rast se ai nuk e shikon të arsyeshme.

Bujar Nishani: Nuk i kam hyrë nga pikëpamja substanciale kësaj çështjeje, dhe kjo është një çështje substanciale e nxjerrjes së dekretit. Për arsye se pavarësisht interpretimit që mund ti bëjë unë mund të ketë një konflikt interpretimi në këtë rast, dhe kjo është një çështje shumë e rëndësishme. Kjo është një çështje substanciale dhe çështje të tilla të substancës i takojnë interpretimit përfundimtar që duhet ta bëjë Gjykata Kushtetuese. Por pa dyshim për derisa kushtetutë bërësi i ka dhënë një afat të caktuar prej 7 ditësh presidentit të Republikës këtë nuk ja ka dhënë në interes të sjelljes formale të presidentit të Republikës për dekret, por ja ka dhënë në interest ë gjykimit substancial në gjykimin tim. Por kjo është një çështje për të cilën unë i jam drejtuar gjykatës Kushtetuese dhe do të presim padyshim interpretimin dhe Gjykimin e Gjykatës Kushtetuese për të parë, sepse emërime shkarkime ministrash do të kemi shumë, mund të kemi gjatë kohës që jam unë President, do të kemi në presidencat e ardhshme. Prandaj është shumë e rëndësishme që çështjet kushtetuese të trajtohen nga pikëpamja kushtetuese. Çështjet kushtetuese nuk mund të trajtohen politikisht, dhe ajo që unë nxora si konkluzion, jo personal por besoj në përgjithësi shoqëria për një çështje që ka qenë pjesë e debatit të marrëdhënieve president-qeveria apo president kryeministër gjatë këtyre kohëve. Vazhdimisht kam përcjellë në opinionin publik, si kurrë më parë pavarësisht relative shpesh herë edhe me presidentët dhje ish kryeministrat kanë qenë çështje debatesh për çështje të caktuara, kurrë më parë nuk ka pasur investim institucional të qeverisë dhe të kryeministrit për të goditur në mënyrë të pandershme të pabazë Presidentit e Republikës, me të njëjtin qëllim për ta bërë inekzistent vokacionin dhe kredibilitetin e zërit të Presidentit të Republikës. Dhe ky rast ishte rasti i pareksolencë i cili e konfirmoi përfundimisht se qeveria kryeministri kanë një qëllim, paragjykimin, goditjen politike, spekulimin politik ndaj Presidentit të Republikës. Sepse të mbërrish deri në akuzën e fundit ndaj presidentit ndërkohë që është në të drejtën e tij, në funksionin e tij të plotë, në përmbushjen e detyrës së tij, në marrjen e kohës që i nevojitet dhe të kthehet dhe të ngrihet një qëndrim institucional i qeverisë dhe i kryeministrit me akuza politike, në një kohë që çështja ishte tërësisht procedurale dhe profesionale. Pra ky besoj se ishte rasti më evident kur u denoncua përfundimisht që presidenti ka qenë gjatë gjithë kohës në një platformë goditje politike përmes spekulimeve, përmes trillimit, përmes të pavërtetave, përmes paragjykimeve me qëllim për ta dobësuar sa më shumë në mënyrë për ta bërë inekzistent institucionin e Presidentit të Republikës, zërin e presidentit të Republikës, imazhin e Presidentit të republikës dhe pushtetin e institucionit të Republikës.

Çim Peka: Zoti president në fakt është hera e parë që një ministër kërcënon Presidentin e Republikës me shkarkim në rast se presidenti nuk ndërmerr aktet që kryeministri i ka sugjeruar. Por ajo që është pak më e veçantë, pasi ka dhe një investigim mediatik, Ministrja e cila ju ka kërcënuar me shkarkim në emër të kryeministrit Rama është bashkëshortja e një prokurori të cilin ju nuk e keni dekretuar ?

Bujar Nishani: Mund të jetë koincidencë, mund të jenë përputhur gatishmëria e zonjës për të përcjellë mesazhin e qeverisë, sepse për hir të së vërtetës për nga pikëpamja e standardit është tregues i një degradimi ekstravulgar. Nuk mund kurrsesi në çfarëdolloj raportesh politike që mund të krijohen, Presidenti i Republikës është kryetari i shtetit dhe në raste shkeljeje të Kushtetutës, të dhunimit të ligjeve, të mos respektimit të detyrës, të mos përmbushjes së funksioneve, Kushtetuta ka parashikuar procedurat përkatëse. Nuk mundet kurrsesi, edhe në rast se do të kishte vërtetë një mospërmbushje të detyrës procedurale të Presidentit të Republikës, të paragjykohej. Është njësoj sikur unë të filloj të politikisht qeverinë pse nuk realizon zgjedhjet parlamentare në një kohë që është tërësisht Brenda mandatit të saj parlamentar dhe qeverisës. Pra vihemi ndonjëherë në situate të tilla të cilat nuk mundte dhe është e vështirë ndonjëherë të japim përgjigjen e merituar, sepse janë tërësisht të pakapshme dhe janë çështje e mendësisë dhe kulturës minimaliste të të bërit politikë. Mund të jetë shfrytëzuar edhe dobësia që juve përmendët, por unë kam shprehur keqardhje dhe vazhdoj të shpreh keqardhje në standardet e përzgjedhjes së individëve për nga kultura politike, për nga formimi i përgjithshëm dhe profesional, ne duhet të mos shkojmë përtej disa caqeve. Shkuarja përtej e disa caqeve nuk diskrediton vetëm imazhin e një qeverie të caktuar, por standardin në përgjithësi të shoqërisë.

Çim Peka: Ka dy akuza ndaj jush nga zërat mediatikë afër kryeministrit për të mos thënë nga vetë dora e kryeministrit. E para është se Presidenti u tremb nga kërcënimi dhe dekretoi ministrat. E dyta është se presidenti i republikës është nën ndikimin total të ish-kryeministrit Berisha dhe ndoshta edhe ideja për të bllokuar apo dhe për të shtyrë dekretimin e ministrave ishte një ide e zotit Berisha, që Presidenti i Republikës ja plotësoi. Zoti Nishani a ka ndonjë përqindje qoftë edhe minimale të vërtetë mbi ndikimin e ish kryeministrit Berisha ndaj jush?

Bujar Nishani: Po nisme nga fakti i funtit që juve përmendët, nuk pati asnjë bllokim, asnjë shtyrje dhe asnjë vonesë. Shtyrje dhe vonesë në konceptet tërësore dhe shteruese do të thotë kur ka një afat dhe fillon dhe kalohet përtej afatit të parashikuar. Kam vepruar në përmbushje të funksionit tim më parë sesa të shkohej në plotësimin e afatit të parashikuar. Kështu që nuk ka pasur asnjë bllokim dhe asnjë shtyrje. Në rast se do të kishte një bllokim apo një shtyrje ishte e drejta e gjithkujt të hamendësonte dhe të ngrinte teori nga më të ndryshmet që dëshironte. Fakti që nuk ka pasur një çështje as të shtyrë dhe as të bllokuar tregon se gjithçka ka qenë një hipotezë tërësisht politike. Në rast se neve pastaj biem dakord që ekziston një kulturë e tillë që Presidenti i Republikës mundësisht të mos ekzistojë fare, që presidenti i republikës ta marrë urdhrin nga kryeministri në telefon dhe pa mbërritur procedura në Presidencë të kryej detyrën e tij dhe aktin formal, këto pastaj janë koncepte sovjetike dhe staliniste që unë i thashë që në fillim. Për sa i takon çështjes së komunikimit tim apo ndikimit të zotit Berisha, unë besoj që të gjithë qytetarët shqiptarë, gjithë ajo pjesë e shoqërisë e cila është tërësisht e ftohtë e të qenit ekstremist ndaj afilacionit partizan, janë të bindur në standardet e seriozitetit të presidentit të republikës por edhe ndaj standardeve të seriozitetit të zotit Berisha. Zoti Berisha nuk e ka pasur kur ka qenë në pozita drejtuese në qeveri një kulturë të tillë për t?iu imponuar njerëzve me një pozicion drejtues të lartë siç ishin ministrat, jo më tani që nuk është më në këto pozita drejtuese në qeveri dhe ka një raport të presidentit të Republikës dhje jo një ministër të kabinetit të tij qeveritar.

Çim Peka: A ju viziton zoti Berisha në zyrë?

Bujar Nishani: Po natyrisht që më viziton zoti Berisha në zyrë. Ne diskutojmë vazhdimisht për çështje të rëndësishme, çështje që kanë të bëjnë me interesin kombëtar. Ne vazhdimisht kemi diskutuar dhe unë e kam pasur edhe një kërkesë për tu konsultuar me zotin Berisha për shkak të eksperiencës së tij, me çështje që kanë të bëjnë me interesin kombëtar, ka rezultuar në disa raste i suksesshëm konsulta dhe ndërhyrja që i kam kërkuar unë zotit Berisha në interes çështjes kombëtare në disa raste. Por nuk takohem vetëm me zotin Berisha, unë takohem dhe me deputetët të grupit parlamentar të së majtës. Jam takuar me kryetarin e kuvendit disa herë, jam takuar me deputetë të PS-së. kështu që detyra e Presidentit të republikës është që të takohet dhe të konsultohet me njerëz që kanë eksperiencë në politikë.

Çim Peka: Jeni takuar me kryetarin e kuvendit zotin meta, i cili pak kohë më parë nuk ka fshehur ambiciet e tij për të qenë kreu i shtetit. A ju ka takuar zoti meta në zyrën tuaj zoti President pasi ka shpallur këto ambicie për të qenë President i Republikës?

Bujar Nishani: Nuk mund të them se cila ka qenë koha kur më ka takuar para apo pas.

Çim Peka: Po kur ju ka takuar zoti Meta në zyrën tuaj, a ju ka lënë të kuptoni se dëshiron postin tuaj?

Bujar Nishani: Jo nuk më ka lënë asnjëherë. Por unë mendoj që objektivi i çdo politikani me karrierë të gjatë në politikë i cili ka kaluar disa faza të ushtrimit të larta është krejt normale dhe e ligjshme të synojë dhe postin e Presidentit të Republikës. Zoti meta ka gjithë të drejtën ta synojë këtë post sepse përfaqëson një pjesë të rëndësishme të mazhorancës qeverisëse, ka eksperiencën si kryeministër, ka eksperiencën si kryetar i Kuvendit, është plotësisht në të drejtën e tij ta pretendojë, askush nuk ka të drejtë ta paragjykojë zotin meta, apo mund të jetë edhe zoti Rama që e pretendon postin e Presidentit të Republikës. Ata mund ta pretendojnë, gjithçka është një çështje që është e parashikuar në procedurat në Kushtetutë.

Çim Peka: Po zoti Rama kur ju ka vizituar për herë të fundit?

Bujar Nishani: Ka qenë një kërkesë dhe një fetës nga ana ime, pas ardhjes së mendimit paraprak nga Komisioni i Venecias në lidhje me amendamentet e reformës Kushtetuese që i janë dërguar këtij komisioni. Për shkak të këtij ngërçi komunikimi që kam parë mes forcave politike në parlament, ofrova gatishmërinë time për të lehtësuar komunikimin dhe koordinimin e një qëndrimi politik të palëve për të reformuar sistemin e drejtësisë, ;por kemi diskutuar edhe për çështje politike të realitetit në vend.

Çim Peka: Zoti president, të paktën analistë dhe gazetarë afër kryeministrit Rama, të cilët jo rrallëherë tregojnë një të vërtetë lidhur me atë se çfarë bën kryeministri, ose paralajmërojnë. Sa herë që kryeministri Rama del nga zyra juaj me zë dhe pa zë të shkruar ose jo, pretendojnë se kryeministri me ju është mjaft i ashpër në zyrën tuaj dhe ju jeni vetëm një dëgjues. A ka një të vërtetë ndërmjet pretendimit të Edi Ramës dhe atyre se çfarë shkruajnë opinionistët afër tij? Cila është sjellja e Edi Ramës përballë jush zoti President?

Bujar Nishani: Unë nuk e kam dëgjuar asnjëherë ngaqë zoti Rama. Nëse zoti Rama do ta thotë këtë gjë të jeni të bindur se do të jap një përgjigje shumë të drejtpërdrejtë të hapur dhe transparente?

Çim Peka: Po kryetari i opozitës çfarë raportesh ka me Presidentin e Republikës?

Bujar Nishani: Jam takuar dhe me kryetarin e opozitës, natyrisht jo në mënyrë të shpeshtë dhe frekuente. Por dhe me kryetarin e opozitës takohemi pikërisht për çështje të cilat Presidenti i Republikës është i interesuar që të ndihmojë në ecurinë normale të trajtimit apo lehtësimit të debatit politik që kanë interes ko0mbëtar apo për çështje që kanë të bëjnë me reformat ë mëdha. Jemi takuar për reformën në Drejtësi me zotin Basha, jemi takuar po ashtu me çështje që kanë të bëjnë me ligje të rëndësishme, siç kanë qenë qoftë ligjet për Gjykatën e lartë, qoftë ligjet që kanë të bëjnë për çështjen e pronave, ligjet që kanë të bëjnë me arsimin e lartë. Pra për një sërë ligjesh për të cilat unë kam pasur nevojë që ti transmetoj zotit Basha si kryetar i opozitës si lider i opozitës , pikëpamjet e mia përpara se unë të shprehesha në mënyrë institucionale, në mënyrë të tillë që gjithkush ishte i qartë në mënyrë shteruese për qëndrime të Presidentit të Republikës.

Çim Peka: Zoti President në fakt ajo çfarë bëri më shumë bujë, ishte jo vetëm deklarata e kryeminsitrit, por prapë po e them se media afër tij pothuajse prej një jave ndërmorën një fushatë denigruese se si presidenti i Republikës mund të luante rolin e shefit të protokollit në Rinas duke pritur një zyrtar, qoftë dhe ky një zyrtar i lartë amerikan. Vetë kryeministri pas reagimit tuaj për të tërhequr mbrapsht fyerjet deklaroi se isha i shqetësuar se mos e shtypte avioni dhe vazhdoi ironinë e tij. Gazetarë afër tij janë marrë sistematikisht edhe me shëndeti tuaj, sigurisht nën shijet e kryeministrit vetë ka pasur raste që ka bërë shefin e protokollit duke pritur edhe Armando Dukën në Rinas, vetëm për të marrë peng ekipin kombëtar. Gjithsesi nuk kam parë një reagim të Presidentit Nishani, një reagim si qytetar, por një reagim institucional si president. A jeni prekur ndonjëherë nga ana njerëzore dhe a keni menduar ndonjëherë qoftë dhe për një rast të vetëm ti përgjigjeshit zotit Rama në gjuhën që ai përdor zakonisht ndaj jush?

Bujar Nishani: Jo asnjëherë. Asnjëherë sepse unë kam një standard tjetër, kam një formim tjetër, në kuptimin e formimit qytetar. Kam një konceptim tjetër në kuptimin e standardit civil. Unë kam një standard dhe model tjetër në kuptimin e formimit dhe të sjelljes politike. Kështu që edhe nëse unë do të tentoja të hyja në stilin e kryeministrit për tiu përgjigjur do ta kisha pothuajse të pamundur të dilja në atë stil, sepse stili im është ndoshta më i thjeshtë më i drejtpërdrejtë, por besoj se është më racional dhe është më i domosdoshëm dhe i nevojshëm për qytetarët shqiptarë. Çdo politikan sot duhet që ti përgjigjet shoqërisë me një gjuhë, të cilën shoqëria duhet të kuptojë përmbajtjen e mesazhit dhe të gjuhës që përdor politikani,. Të vlerësojë dinjitetin dhe integritetin atij politikani i cili i përcjell ato mesazhe, të kuptojë nivelin kulturor dhe politik të politikanit që i përcjell ato mesazhe dhe nga ana tjetër të kuptojë se sa i sinqertë është ai politikan në raport me politikën dhe me shoun. Kështu që në këtë kontekst ka diferenca të mëdha midis meje dhe kryeministrit, por natyrisht kjo është çështje modeli nuk është një çështje sforcimesh dhe nuk duhet të shkojë. Ndoshta dhe zoti Rama nuk e bën dot ndryshe, ashtu siç nuk e bëj dhe unë dot ndryshe stilin dhe modelin tim.

Çim Peka: Meqenëse tek retorika dhe tek fyerjet, dje kryeministri në Kuvendin e Shqipërisë pas një proteste dhe bllokimit të seancës nga ana e opozitës ka përdorur një fjalë mjaftë të rëndë ndaj një deputeteje ndaj një zonje, të cilën nuk po e citojmë këtu, por të gjitha mediat e kanë dhënë. Vetë kryeministri e ka pranuar sot duke kërkuar ndjesë, por gjithsesi ishin shprehje të padëgjuara as në rrugë dhe jo më në Kuvendin e Shqipërisë nga kryeministri i Shqipërisë. Por e gjitha kjo erdhi pas bllokimit të seancës që opozita i bëri me argumentin e vënies në zbatim të menjëhershëm të ligjit për Dekriminalizimin. Kemi një situatë kur parlamenti të paktën nga dita e djeshme ku dhe vetë mazhoranca e ka pranuar ndodhet i bllokuar. A ka presidenti i republikës një gjykim dhe një thirrje mbi situatën aktuale në parlamentin e Shqipërisë.

Bujar Nishani: E kam ndjekur me shumë vëmendje zhvillimin e djeshëm në parlament. Ta them pikë së pari se personalisht jam kundër goditjes me vezë apo me sende të tilla ndaj kujtdo deputeti, çdo anëtari të qeverisë, as ndaj kryeministrit, as ndaj punonjësve të tjerë nga njëra anë dhe nuk e mbështes asnjëherë këtë lloj sjelljeje në parlament. Por nga ana tjetër jam plotësisht në mbështetje të kauzës së opozitës, e cila aktualisht nuk është vetëm kauza e opozitës besoj se është kauza e të gjithëve ne për dekriminalizimin e parlamentit dhe për largimin e menjëhershëm të personazheve dhe individëve të inkriminuara nga institucionet politike, nga procesi i vendimmarrjes të interesit publik, nga përdorimi dhe shfrytëzimi i pasurive të qytetarëve shqiptarë. Askujt prej nesh nuk ja kishte marrë mendja që në parlamentin shqiptar, dhe në fakt parlamenti shqiptar në të dyja krahët e politikës edhe të mazhorancës edhe të opozitës ka njerëz shumë dinjitozë, ka njerëz që kanë investuar në politikë dhe unë kam respektin më të madh për të gjithë ata njerëz me integritet që janë në të dy krahët e parlamentit, por nuk mundet kurrsesi të pajtohem me situatën që Brenda këtij institucioni të vinin dhe të kishim njerëz që kanë kryer vrasje, kanë qenë eksponentë të trafikut të drogës, kanë qenë eksponentë të hajdutërisë, kanë qenë eksponentë të trafikut të qenieve njerëzore, kanë qenë eksponentë të zhvatjes dhe të gjobave ndaj biznesmenëve si brnda dhe jashtë Shqipërisë. Kjo është një kauzë shumë e rëndësishme për të cilën opozita meriton një mbështetje dhe një vlerësim të posaçëm është një kauzë që për fatin e keq është bërë objekt diskutimi në ambientet institucioneve europiane dhe pavarësisht se në cilin grup parlamentar kanë depërtuar këta njerëz, në raport me opinionin ndërkombëtar, në raport me botën e qytetëruar dhe të civilizuar na bën të gjithëve me turp. Kështu që angazhimi ynë është që të mos ndalemi për asnjë çast deri sat ë japim shenja reale dhe jo vetëm mesazhe retorike por edhe akte institucionale që këta individë të 5largohen dhe të mos kenë as edhe një ndikim më të vogël në tërësi në dimensionin politik dhe të proceseve vendimmarrëse apo dhe të përdorimit të aseteve financiare të Shqipërisë. Ky për mua është një emergjencë dhe besoj që opozita ka dhe një rol të rëndësishëm për të luajtur ashtu siç ka dhe ajo pjesë e mazhorancës që kanë dinjitet. Unhë personalisht do të vazhdoj të jem në krahë të të gjithë atyre përpjekjeve që bëhen.

Çim Peka: Zoti President kryeministri mbrëmë është shprehur ose më qartë ka lënë të kuptohet se nuk ka ndërmend ta bëjë të paktën për momentin ekzekutive. Ligjin për dekriminalizimin dhe sipas tij në grupin e tij parlamentar nuk ka anjë kriminel. Opozita nga ana e saj sot ka bërë të qartë se do ta vazhdojë betejën në parlament duke bllokuar deri sa ligji të jetë ekzekutiv, prat ë jetë i zbatueshëm. Nga ana tjetër përgjithësisht mazhoranca ju akuzon se ju jeni palë me opozitën. Në rast se situate agravohet situate politike shkon deri në një ngjashmëri me atë se çfarë ka ndodhur apo çfarë po ndodh në parlamentin e Kosovës, a do të kishit ju një rol apo një mundësi për të pasur një rol Presidenti i republikës për të ndërmjetësuar në zgjidhjen e këtij ngërçi apo të këtij bllokimi të parlamentit.

Bujar Nishani: E para nuk do të dëshiroja dhe nuk do të mbështesja që edhe në parlamentin e Shqipërisë të shfaqeshin ato akte të cilat për mua janë të papranueshme edhe në parlamentin e Kosovës. Nuk i ka mbështetur nuk i mbështes dhe do të jetë e dëmshme për jetën institucionale, do të jenë të dëmshme për të gjithë qytetarët. Nuk komentoj komente dhe deklarata as të kryeministrit as të kryetarit të opozitës, për këtë të jeni të sigurt se nuk futem në komente dhe deklarata sepse pozicioni, jo vetëm pozicioni që kam si President i Republikës, por ashtu siç e kuptoj unë sjelljen institucionale të presidentit të republikës do të ishte një gabim dhe një sjellje jo e denjë e Presidentit të republikës që të hynte në komente apo deklarata qoftë të kryeministrit apo liderit të opozitës. Nëse opozita mazhoranca më ka artikuluar dhe vazhdon të më artikulojë si përkrahës të opozitës, së pari për mua tashmë kjo është bërë një refren dhe një lojë e dalë mode më së fundmi. Ajo që mund të them me krenari në raport me opinionin publik si qytetar dhe si njeri mund të them se kurrë nuk jam ulur në dreka apo darka, nuk kam ftuar në tavolinat e mia individë me rekorde kriminale. Si drejtues i institucioneve të larta, kam pasur fatin të jem ministër në një prej ministrive më të rëndësishme, kurrë nuk kam pasur rastin që në zyrën time të vijnë persona me rekorde kriminale, të përfshirë në vrasje, kurrë nuk kanë hyrë në zyrën time dhe të trajtohen si bashkëbisedues personat e njohur si trafikantë apo vrasës me pagesë. Në detyrat e mia institucionale kurrë nuk kam adresuar pushtet tek personat e njohur për trafiqe droge, kurrë nuk kam adresuar dhe lejuar që të alokohen financat, pjesë e buxhetit kanë qenë dhe janë përgjegjësi e imja, tek njerëz të afiluar me procesin e grabitjes apo të përfshirë në procese korruptive. Kurrë nuk kam qenë pjesë e një vendimmarrjeje për shkak të pushtetit që më ka dhënë një mandate i caktuar që këtë pushtet ta ndaj ta transferoj tek personazhe apo individë me aktivitet kriminal. Pra besoj se në këtë dimension raporti im me opinionin publik dhe raporti i presidentit me opinionin publik është shumë i qartë ndoshta shumë i hapur shumë i njohur, ndoshta jam i gatshëm që të marr çdo vlerësim që bën opinion publik në këtë raport të personit tim si president i republikës me sjelljen institucionale që ka pastaj personi që është në këtë detyrë.

Çim Peka: Z. President jemi drejt fundit. Ju jeni duke mbyllur vitin e 4 si President i Republikës. Futeni në vitin e fundit. Në një konfiguracion të ri të parlamentit, a do të ishte i gatshëm Bujar Nishani të kërkonte një mandat të dytë si President?

Bujar Nishani: Objektivat politik janë njëra anë dhe padyshim se Presidenti i Republikës dhe unë që kam fatin dhe shansin të ushtrojë këtë detyrë është krejt normale që të tentojtë të ketë një mandat të dytë. Është objektivi më i parë. Por se cilat do të jenë zhvillimet politike dhe institucionave në muajt dhe vitet që vijojnë pasi kemi ende kohë për të vajtur në mesin e 2017, që është koha e zgjedhjes së Presidentit të ri të Republikës, kjo mbetet për tu parë. Angazhimet e mija do të vazhdojnë të mbeten akoma më dinamike, por z. Peka për mua ka shumë rëndësi mënyra se si e përmbush detyrën personi që është në postin e Presidentit të Republikës. Për mua ka dy dimensione: Integriteti dhe dinjiteti. Nëse një person që zgjidhet president, ka një integritet problematik ai nuk do të mundet ta përmbushë detyrën në mënyrën e duhur, pavarësisht se si zgjidhet dhe sa mandate qëndron në detyrë. Nëse një person që zgjidhet President ka një dinjitet të nëpërkëmbur nga aktorët e tjerë apo për arsye të tjera, apo interesa personale, e konflikte të tjera individuale, ky person nuk do ta kryejë, përmbush detyrën në mënyrë dinjitoze detyrën e presidentit. Nëse një person që zgjidhet në detyrën e Presidentit, manifeston qëndrim dhe reflekton integritet dhe dinjitet të qëndrueshëm dhe ruan dinjitetin e pacënueshëm, qoftë edhe një mandat i caktuar, i vetëm do ta bëjë plotësisht të mundur jo vetëm që të reflektojë modelin që i takon, por edhe përmbushjen e funksioneve të tij kushtetuese do ta bëjë në mënyrë profesionale dhe dinjitoze.

Çim Peka: Intervistën e parë si President e keni dhënë 1 orë pas betimit, për emisionin tim. Kur ju kam pyetur për ambiciet politike pas pozicionit të Presidentit jeni shprehur se: Për çdo politikan, kulmi i karrierës është Presidenti i Republikës. Në momentin që nuk do të jem President i Republikës, nuk do të mbaj detyra shtetërore. Çfarë do të bëjë Bujar Nishani pasi të mos jetë President?

Bujar Nishani: Në fakt është ende herët ta thuash. Ju garantoj për një gjë që do të jem shumë aktiv në kontributet e mia shoqërore. Format e kontributeve janë nga më të ndryshmet. Unë kam shumë përzemër politikën, shoqërinë civile, median, janë disa mundësi sot që çdo individ falë eksperiencës që mbledh të japë kontributin e tij. E rëndësishme është që nuk do ndalem asnjë moment së qeni aktiv dhe së dhëni këtë kontribut. Mënyra, forma institucionale ajo mbetet për tu parë dhe vendosur edhe në rrethana kushtet në të cilat do të ndodhemi.

Çim Peka: Z. President faleminderit

Bujar Nishani: Faleminderit dhe juve.