web counter
LEXO PA REKLAMA!

SHKARKO APP

App Store
Google Play

Kosovë/ Një i akuzuar për pjesëmarrje në grup terrorist

25 Shkurt 2016, 16:30, Kosova & Bota CNA

Prokuroria e Posaçme e Kosovës, tha se ka ngritur të enjten një aktakuzë kundër një personi për veprën penale: “organizimi dhe pjesëmarrja në grup terrorist”.

Sipas aktakuzës, i pandehuri që identifikohet si L. F. “i është bashkuar organizatës terroriste të quajtur ?ISIS?, duke marrë pjesë në luftimet e zhvilluara në Siri, ku ka qëndruar afër dy muaj. Pas dy muajsh qëndrimi në Siri, duke u kthyer për në Kosovë është ndaluar nga Policia e Turqisë dhe është kthyer në Republikën e Kosovës”.

Së këndejmi thuhet në njoftim, “me këto veprime i pandehuri ka kryer veprën penale: organizimi dhe pjesëmarrja në grup terrorist”.

Kosova është përballur që në vitin 2012 me rastet e para të shkuarjes së qytetarëve të saj në Siri. Që atëherë rreth 300 qytetarë të Kosovës i janë bashkuar konfliktit atje ndërsa aktualisht sipas vlerësimeve të organeve të sigurisë numri sillet në rreth 80 sish. Rreth 50 prej tyre janë të deklaruar të vdekur.

Që nga viti 2013, autoritetet në Kosovë kanë hetuar mbi 180 persona të përfshirë në vepra që lidhen me terrorizmin. Rreth 90 persona janë arrestuar dhe janë ngritur mbi 40 aktakuza./ Voa





Lajmet e fundit nga