web counter
LEXO PA REKLAMA!

SHKARKO APP

App Store
Google Play

Mesila Doda: Në komisione ka ish-hetues dhe ish-prokurorë të komunizmit

24 Shkurt 2016, 12:31, Aktualitet CNA

Deputetja Mesila Doda ka dhënë sot një konferencë për mediat nga Kuvendi lidhur me hapjen e dosjeve të diktaturës si dhe për dekoratat e dhëna ndaj xhelatëve të diktaturës.

Mesila Doda dhe kreu i PDIU, Shpëtim Idrizi kanë depozituar disa javë më parë një draft për heqjen e dekoratave dhe titujt e nderit për hetuesit dhe personat e regjimit komunist, të cilët kanë kryer krime. Sipas saj ky draft është bllokuar nga Komisioni i Sigurisë, i cili nuk e ka marrë në shqyrtim .

?Po bëhet përpjekje mjerane për ta ngecur ligjin, po tentohet që të mbyllen edhe procedurat për të mos e marrë në diskutim. Ky është një akt i paprecedent?, tha Mesila Doda

Ajo theksoi se heqja e dekoratave do të shkojë deri në fund. Sipas saj hapja e dosjeve do të bëjë ndarjen e përfundimtare me të shkuarën.

?Heqja e dekoratave do të shkojë deri në fund. Hapja e dosjeve do të krijojë një klimë tjetër. Nuk mund të kërkojmë dënimin e një krimi të ri, nëse nuk heqim rrënjën, krimin ndaj njeriut, krimin ndaj jetë që është kryer më parë dhe ka bllokuar qytetarët?, u shpreh Doda.

Ajo hodhi edhe një akuzë të fortë kur tha se: “Në pjesën më të madhe të komisioneve ka ish-hetues dhe ish-prokurorë të komunizmit?, deklaroi Doda





Lajmet e fundit nga