E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gjykata Kushtetuese zbardh vendimin për mandatin e Kokëdhimës

24 Shkurt 2016, 14:01, Aktualitet CNA

Gjykata Kushtetuese ka pranuar kërkesën e opozitës për vendimin e Kuvendit për mandatin e deputetit socialist, Koço Kokëdhima. Kuvendi rrëzoi me votat e mazhorancës kërkesën e opozitës për të dërguar për shqyrtim në Kushtetuese ndërprjerjen e mandatin të deputeti Koço Kokëdhima.

Sipas Partisë Demokratike, Kokëdhima ka përfituar fonde për kompanitë e tij private gjatë kohës që ka ushtruar mandatin e deputetit. Për këtë arsye, demokratët kanë kërkuar që mandati i tij të dërgohet për shqyrtim. Kjo gjë nuk është pranuar nga shumica, e cila nuk e ka votuar kërkesën e opozitës.

Sipas Gjykatës Kushtetuese, vendimi i parlamentit është i papajtueshëm me Kushtetutën.

Gjykata ka vlerësuar se ?Në rast se Kuvendi i Shqipërisë vihet në lëvizje me mocion të kryetarit të Kuvendit ose një të dhjetës së anëtarëve të tij, në kuptim të pikës 3 të nenit 70 të Kushtetutës, ai duhet të vendosë dërgimin e çështjes në Gjykatën Kushtetuese, e cila është organi i vetëm që ka kompetencën të shqyrtojë në themel çështjen dhe të vendosë mbi papajtueshmërinë e mandatit të deputetit. Konstatimi si të papajtueshëm me Kushtetutën e Republikës së Shqipërisë të vendimit nr.48/2015 të Kuvendit të Shqipërisë ?Për mosdërgimin në Gjykatën Kushtetuese të çështjes për konstatimin e papajtueshmërisë me detyrën e deputetit të zotit Koço Kokëdhima?.

Mësohet se kundër këtij vendimi të anëtarëve që kishin marrë në shqyrtim këtë çështje ka dalë vetëm Sokol Berberi.