web counter
LEXO PA REKLAMA!

SHKARKO APP

App Store
Google Play

E fundit!

x

Konyaspor dhe Meha në vendin e tretë

20 Shkurt 2016, 16:10, Aktualitet CNA

Me Alban Mehan që jep garanci dhe garanton kualitet në mesfushë, Konyaspor-i fluturon, duke u konfirmuar surpriza e këtij sezoni në Superligën turke.

Ekipi nga Konya fitoi 2-1 në shtëpi përballë Sivasspor, në sfidën që hapi javën e 22-të të kampionatit.  Traore i dha avantazhin vendasve pas vetëm 7 minutave lojë, ndërsa në të 58-ën ishte Skubic ai që shënoi golin e sigurisë.

Sivasspor provoi të kthehej në lojë me rrjetën e Eser 18 minuta përpara fundit, por Konyaspor tregoi maturi duke e ruajtur deri në fund avantazhin.

Alban Meha zhvilloi një paraqitje të nivelit të lartë në fushë, ndërsa në fundin e kohës së rregullt trajneri Kocaman e zëvendësoi shqiptarin për ti dhuruar duartrokitjet e tifozëve, si edhe për të fituar sekonda të vlefshme.

Kjo ishte paraqitja e 17-të e mesfushorit kuqezi në këtë sezon të Superligës turke. Me 4 rrjeta të realizuara dhe 5 asist për gol, Meha është një prej elementëve më të rëndësishëm në ecurinë fantastike të Konyasspor.

Momentalisht skuadra pozicionohet e treta në kampionatin turk, pas Fenerbahçe e Besiktas, në kuotën e 37 pikëve dhe është në garën për një vend në Europa League, ku mes rivalëve janë edhe gjigandët e Galatasaray-t. SuperSport





Lajmet e fundit nga