E fundit!

12:23 Aktualitet

Ja kush e merr drejtimin e Policisë së Vlorës

Edvin Ndreu, i renditur me 84 pikë në garën për drejtoritë...

10 Mënyra për të nxitur metabolizmin

14 Shkurt 2016, 17:53, Lifestyle CNA

A mund ta përmirësoni metabolizmin tuaj?

Nxitja e metabolizmit është diçka shumë e kërkuar nga personat që kujdesen në çdo kohë për peshën, por shpejtësia e diegies së kalorive varet nga disa faktorë. Disa njerëz trashëgojnë një metabolizëm të shpejtë. Meshkujt priren të djegin më shumë kalori se sa femrat, madje edhe kur janë duke pushuar. Për disa njerëz metabolizmi ngadalësohet në mënyrë të dukshme mbas të 40-ave. Edhe pse ju s?mund ta kontrolloni moshën, gjininë ose genet tuaja, ka disa mënyra për të rregulluar metabolizmin.

10- Formoni muskuj
Trupi juaj vazhdimisht djeg kalori edhe atëhere kur ju nuk bëni asgjë. Shkalla e metabolizmit kur trupi është duke pushuar është më e lartë tek personat më me shumë muskuj. Çdo kile muskul përdor afërsisht 13 kalori në ditë për të mirëmbajtur veten, ndërsa çdo kile yndyrë djeg vetëm 4 kalori në ditë. Kjo diferencë e vogël mund të rritet me kohën. Mbas një seance stërvitje të fortë, muskujt aktivizohen në të gjithë trupin duke rritur kështu nivelin mesatar metabolik ditor.

9- Merruni më me shumë stërvitje
Ushtrimet aerobike ndoshta nuk formojnë muskuj të fuqishëm, por rrisin metabolizmin në orët mbas një stërvitje. Ushtrimet me intesitet të lartë çojnë në një nivel metabolik në qetësi më të madh e më të gjatë se sa stërvitja me intesitet të ulët ose të moderuar. Për të përfituar, provoni që gjatë ecjes të përfshini intervale të shkurtra vrapimi.

8- Pini shumë ujë
Trupi ka nevojë për ujë që të përpunojë kaloritë. Edhe sikur të jeni gjysëm i dehidratuar, metabolizmi mund të ngadalësohet. Në një studim, të rriturit që pinë tetë ose më shumë gota ujë në ditë, djegin më shumë kalori se sa ata që pinë katër. Për të qëndruar të hidratuar pini një gotë ujë ose pije të tjera pa sheqer në çdo vakt. Gjithashtu, konsumoni fruta të freskëta dhe perime, të cilat përmbajnë ujë në mënyrë natyrale.

7- A duhet të provoni pije energjike?
Disa përbërës në pijet energjike mund ti japin metabolizmit tuaj një shtytje. Ato përmbajnë kafeinë e cila rrit sasinë e energjisë që trupi përdor, ato në disa raste përmbajnë edhe taurinë, një aminoacid. Taurina mund të përshpejtojë metabolizmin dhe mund t?ju ndihmojë të digjni kalori. Por, nëse përdorni këto pije mund të shkaktoni probleme si; presion të lartë të gjakut, ankth dhe probleme me gjumin. Akademia amerikane e pediatrisë nuk i rekomandon këto pije për fëmijët dhe adoleshentët.

6- Snack i duhur
Nëse hani më shpesh mund të ndihmojë të humbni peshë. Nëse hani racione të mëdha midis shumë orëve, metabolizmi midis vakteve ngadalësohet. Ngrënia e një snacku të vogël çdo 3 ose 4 orë ndihmon metabolizmin të funksionojë më mirë, kështu ju digjni më shumë kalori gjatë ditës. Shumë studime kanë treguar që njerëzit të cilët hanë snack rregullisht, hanë më pak gjatë vakteve.

5- Përdorni erëza në gatimet tuaja
Ushqimet pikante kanë kimikate natyrale të cilat mund t?a çojnë metabolizmin në një nivel më të lartë. Gatimi i ushqimit me një lugë speca djegës mund të nxisë shkallën metabolike. Efekti është ndoshta i përkohshëm, por nëse hani ushqim pikant vazhdimisht përfitimet do të jenë të dukshme. Për një nxitje të shpejtë, përdorni piper në pjatat me makarona, speca, dhe çomlek.

4- Merrni fuqi nga proteinat
Trupi djeg më shumë kalori nga tretja e proteinave sesa nga yndyrnat apo karbohidratet. Si pjesë e një diete të balancuar, zëvëndësoni disa nga karbohidratet e varfëra me ushqime të pasura me protein të cilat nxisin metabolizmin gjatë vakteve. Burime të mira proteinash janë bifteku pa dhjamë, gjeli i detit, peshku, mishi i bardhë i pulës, arrat, bizelet, veza dhe produket e bulmetit me pak yndyrë.

3- Pini pak kafe të zezë
Nëse e pini kafen, me siguri gëzoni përfitimet energjike dhe gjallërim të përqëndrimit. E përdorur në moderim, një nga përfitimet prej kafes mund të jetë një rritje afat-shkurtër në nivelin metabolik. Kafeina mund t?ju ndihmojë të ndiheni më pak i lodhur dhe gjithashtu të rrisi rezistencën gjatë stërvitjes.

2- Konsumoni caj jeshil
Të pish çaj jeshil sjell avantazhet e kombinuara të kafeinës dhe katecinës, substanca këto që rrisin metabolizmin për disa orë. Kërkimet sugjerojnë që pirja e 2 deri 4 gota çaj mund të shtyjë trupin të djegë 17% më shumë kalori sesa gjatë një seance me ushtrime në mënyrë të moderuar intensive për një kohë të shkurtër.

1-Mënjanoni dietat drastike
Dietat drastike, të cilat përfshijnë të ngrënit më pak se 1200 kalori në ditë ( për një femer) ose 1800 kalori në ditë (për një mashkull), janë të dëmshme për çdo njeri që shpreson të përshpejtojë metabolizmin. Më së shumti ato dështojnë sepse mund të humbisni muskuj, të cilët në të njëjtën kohë ngadalësojë metabolizmin.