E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ambasadori gjerman: Trajtoni mirë investitorët aktualë që të vijnë të tjerë

12 Shkurt 2016, 18:09, Aktualitet CNA

Një mesash për Rinasin?! ?Nëse trajtohen me korrektësi sipërmarrjet që janë duke zhvilluar aktivitetin e tyre në Shqipëri, nëse mbahen premtimet e dhëna atyre, nëse zbatohen me besnikëri kontratat e lidhura me to, atëherë vendit i është bërë promovimi më i mirë i mundshëm pasi të gjitha këto mësohen gojë më gojë! Kjo fjali, për fat të keq, është e vërtetë edhe në formën e vet mohore??.

Ambasadori gjerman në Shqipëri Hellmut Hoffmann u ka kërkuar zyrtarëve shqiptarë që të zbatojnë me besnikëri kontratat e lidhura me investitorët, duke shtuar se nëse nuk ndodh kjo, atëhere fjala do të përhapet tek investitorët potencialë.
Pa përmendur emra kompanish konkrete, ambasadori gjerman ka pohuar: ?Nëse trajtohen me korrektësi sipërmarrjet që janë duke zhvilluar aktivitetin e tyre në Shqipëri, nëse mbahen premtimet e dhëna atyre, nëse zbatohen me besnikëri kontratat e lidhura me to, atëherë vendit i është bërë promovimi më i mirë i mundshëm pasi të gjitha këto mësohen gojë më gojë! Kjo fjali, për fat të keq, është e vërtetë edhe në formën e vet mohore?.
Deklarata e tij është bërë në datën 10 shkurt gjatë një pritje të fillim-vitit, nga Ambasada Gjermane dhe DIHA, ku merrnin pjesë dhe ministri i transporteve Edmond Haxhinasto, ministri i punës, Blendi Klosi dhe kryetari i Bashkisë së Tiranës, Erion Veliaj.
A është ky një mesazh për kontratën koncesionare të Rinasit?! Një ditë më parë, Drejtori i Përgjithshëm Ekzekutiv i kompanisë Tirana International Airport (TIA), Z. Rolf Castro-Vasquez pohoi për Monitor.al se nuk kanë nënshkruar ende asnjë marrëveshje me qeverinë shqiptare për ndryshimin e kontratës koncesionare për Aeroportin e Rinasit. (Lexo: Drejtori i TIA: Nuk kemi nenshkruar asnje marreveshje me qeverine shqiptare, shume varet nga kreditoret.) Nga ana e saj, qeveria shqiptare ka pohuar vazhdimisht se është afër nënshkrimit të marrëveshjes për heqjen e eskluzivitetit të aeroportit për një rreze prej 100 km.

Kërkesat nga investitorët gjermanë në rritje
Hoffmann ka pohuar gjatë fjalës së tij se numri i kërkesave të sipërmarrjeve gjermane drejtuar DIHA-s dhe Ambasadës është në rritje. ?Ne sjellim vazhdimisht pikat e forta të Shqipërisë në vëmendje ? pasuritë me lëndë të para, pagat e ulëta, taksa dhe tatime konkurruese, potencial për energji të rinovueshme, bujqësia, turizmi. Por nuk mund të fshehim faktin se mbetet shumë për të bërë!! Siguria ligjore për investitorët, reduktimi i burokratizmave, problemet me korrupsionin, zhvilliimi i infrastrukturës etj.?
Ai vlerësoi se ligji për investimet strategjike dhe ligji për zonat ekonomike me status të vecantë kanë qenë hapa të rëndësishëm për 2015, për të sjellë më shumë investitorë në Shqipëri.
?Reforma në sistemin e drejtësië është mjaft e rëndësishme ? sepse për investitorët potencialë është me rëndësi qendrore siguria ligjore në vend!?, shtoi ambasadori.

Në 2015-n u dhjetëfishuan kërkesat për azil

Nuk ka mbetur jashtë vëmendjes së ambasadorit as fluksi i lartë i azilkërkuesve i konstatuar në 2015-n. ?2015 ka qenë viti i valëve të mëdha migratore ? rreht 70.000 shqiptarë lëvizën drejt Gjermanisë, pothuaj 10 herë më shumë se në vitin paraardhës, vendi i dytë pas Sirisë. Askush nuk ka marrë azil, vetëm një grusht njerëzish është dashur të qëndrojnë atje për arsye të tjera, procesi i rikthimeve masive vijon?.
Ai shtoi se ka shpresë që mesazhi është perceptuar: ?për emigrantët ekonomikë nuk ka azil?.
?Qeveria federale është e vetëdijshme që shqiptarët dhe shtetasit e Ballkanit Perëndimor kërkojnë mundësi punësimi, ndaj në Gjermani është lehtësuar aksesi në tregun e punës. Prej datës 1 janar mund të niset një marrëdhënie punësi pa ofruar kualifikim të vecantë (kontratë pune, miratim paraprak, vizë pune). Kjo është mundësi e re që po pritet mirë, shpresojmë që ata të kthehen më vonë për të shfrytëzuar dijet dhe përvojën e tyre këtu?, përfundoi ambasadori./Monitor