E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Ku po shkon FRESSH ?

12 Shkurt 2016, 09:53, Aktualitet CNA

Forumi Rinor i Partisë Socialiste është një nga forumet që ka prodhuar politikanë dhe intelektualë të shumtë që nga krijimi i saj në fillimin e viteve 90.

Nëse bën një vështrim të shumicës të politikanëve që kanë drejtuar në vite Partinë Socialiste, janë produkt i dalë nga FRESSH. Kjo organizatë rinore ka prodhuar ministra dhe kryeministra, siç janë Pandeli Majko apo Ilir Meta. Ky i fundit sot, kryetar i LSI-së, forcës së tretë politike në vend. Janë disa dhjetra ministra, drejtorë të përgjithshëm, drejtues institucionesh të dalë nga organizata rinore socialiste, në mbi 20 vjet politikë.

Sot, FRESSH nuk është më ai i pari, duket një organizatë thuajse inekzistente që nuk ka asnjë produkt politik, por vetëm skandale që fillojnë me garën brenda FRESSH disa vite më parë dhe përfundojnë me vjedhjen e palltos, për ironi të një nga drejtuesit kryesorë të kësaj organizate, Pandeli Majkos.

FRESSH, javët e fundit është përfshirë nga skandalet e vazhdueshme që i kanë ulur thuajse përtokë imazhin dhe peshën në opinionin publik.

Autobusi ku udhëtonin të rinjtë e kësaj organizate u kap me drogë në kufirin greko-turk. Nuk ka akuzë të drejtpërdrejtë për të rinjtë, por për organizatorët që në fakt janë mbështetës të Partisë Socialiste. (http://www.citynews.al/2016/01/droge-ne-autobusin-e-fressh-arrestohet-shoferi-anetaret-merren-ne-pyetje/)

Një deklaratë më tepër se qesharake, thuajse banale u bë nga kryetarja e FRESSH, disa ditë më parë, e cila nuk dinte çtë thoshte më parë. Por në asnjë rast ajo nuk tregoi qartazi se afër cilit ministër kishte fjetur. (http://www.citynews.al/2016/02/video-kryetarja-e-fresh-it-habit-samir-tahirin/)

Së fundi, gazeta ?Panorama? raporton një tjetër skandal. Vjedhjen apo humbjen e palltos të ish-drejtuesit të FRESSH, Pandeli Majko, i cili e harroi atë për disa çaste, por kur u kthye palltoja e tij ishte bërë pronë e dikujt tjetër.(http://www.citynews.al/2016/02/majko-harron-pallton-tek-selia-e-ps-kthehet-per-ta-marre-por/)

Këto tre skandale që fillojnë me drogë e përfundojnë me vjedhje, tashmë regjistrohen si pjesë e historisë së ?lavdishme? të FRESSH që do të vazhdojë të mbijetojë edhe pse i gjunjëzuar nga të tilla problematika që imazhin e të rinjve në politikë e kthejnë në një antivlerë duke larguar kontributin e tyre brenda forcave politike. A mund të shkojë një i ri tek FRESSH kur dëgjon kryetaren të flasë përçart, kur dëgjon se një drejtuesi të lartë i vidhet palltoja, apo autobusi i të rinjve FRESSH-ist kapet me drogë ?

Ky nuk është FRESSH-i i dikurshëm, fatkeqësisht./citynews