E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kush është kryebashkiaku i arrestuar Edmond Themelko ?

12 Shkurt 2016, 13:53, Aktualitet CNA

Kryebashkiaku aktual i Pustecit dhe kreu i Aleancës Maqedonase për Integrim Europian, Edmond Themelko, u arrestua mesditën e të premtes pasi akuzohet manipulim votash në zgjedhjet që janë zhvilluar në Maqedoni.

Themelko është zgjedhur për herë të parë në krye të Komunës së Liqenasit, në vitin 2007. Në atë kohë, ai ishte pjesë e koalicionit me Partinë Socialiste.

Më pas, në vitin 2009, Themelko dhe AMIE do të bashkoheshin me mazhorancën e atëhershme dhe me Partinë Demokratike. Ai do të sillte votat te koalicioni qeveritar. Pas afrimit me qeverinë, Themelkos do ti premtohej mbështetja nga mazhoranca e atëhershme si kandidat për kreun komunës së Liqenasit. Dhe kështu ndodhi, ne 2011, Edmond Themelko ishte kandidat në Liqenas me mbështetjen e PD.

Marrëveshjen e vazhdoi edhe ne 2013-ën ku ishte aleat i PD-së, gjithmonë me Aleancën Maqedonase për Integrim Europian

Më pas, Edmond Themelko fillon dhe lëviz në krahun e koalicionit PS-LSI.

Ne vitin 2015, me ndarjen e re administrative, Komuna e Liqenasit kaloi në varësinë e Bashkisë së Pustecit dhe Edmond Themelko kaloi me mazhorancen e majte.

Përpara se te kandidonte si pjesë e aleancës së majtë, në Pustec zbarkoi Ilir Meta, i cili duket se ishte negociatori për rikthimin e Themelkos.

Gjatë zgjedhjeve në Maqedoni, opozita akuzoi qeverinë e Gruevskit se kishte sjellë votues nga minoriteti maqedonas ne Shqipëri.

U përfol se 400 persona te komunës së Liqenasit, Pustecit sot, të cilët kanë pasaporta maqedonase dhe shqiptare, por edhe banorë të tjerë në kufi , janë dërguar për të votuar në zgjedhjet që zhvilloheshin në Republikën e FYROM.

Akuzat erdhën nga faktorë politikë në Maqedoni, të cilët e akuzuan Gruevskin se kishte importuar vota nga Shqipëria për votimet në Maqedoni.

Themelko është një nga personat që politika Maqedonase tashmë e ka faktuar si njeri që i ka shërbyer politikës se atij shteti, duke marre votat nga Shqipëria për ti çuar në Maqedoni./citynews