Një vrasje tronditëse e 25-vjeçares shqiptare në Angli dhe dëshmia e babait: Ja çfarë di unë

8 Shkurt 2016, 09:56, Kronika CNA

Babai i vajzës ndërkohë, Halil Demiraj, ka zgjedhur Facebook-n për të shpjeguar se çfarë di ai për martesën tre mujore të vajzës së tij.

Ja çfarë shkruan ai:

Menduam se ishte e lumtur, komunikonim çdo ditë me të dy, me numrin e Elidonës dhe me numrin e Lulzimit.

Nuk i mungonte buzëqeshja e zakonshme, vetëm se u zbeh pak në 2-3 ditët e fundit.

Lulzimi, i quajtur Arben, ishte në punë pesë ditët e javës dhe Elidona në shtëpi.

Ditët e fundit, sipas tyre, do rregullonin apo riparonin sistemin e ngrohjes me gaz në shtëpi.

Pastaj na doli se shtëpia qenka dhënë me qira të paligjshme në të zezë.

Sipas Lulzimit (Arbenit), duhej ta lironin e për këtë qëllim atë ditë kanë pasë një vizitë në shtëpi nga 3 veta, nga të cilët njëri prezantohet si punonjës policie, gjithnjë sipas Lulzimit (Arbenit).

Elidona rastësisht hyn nga dhoma tjetër dhe dëgjon bisedën, gjë e cila nuk i pëlqen Lulzimit (Arbenit).

Pikërisht këtë ditë, më 28 janar, Lulzimi (Arbeni) nuk shkon në punë.

Mbasdite më telefonon e më thotë: Unë dhe Elidona do ndahemi.

Arsyeja: Më ka ofenduar 2-3 herë dhe asgjë tjetër.

Elidona thoshte: Nuk e di çfarë e gjeti sot.

E habitur nga ky vendim, po qante.

Lulzimi thotë: Deri nesër në orën 8 të mëngjesit është këtu, pastaj të shkojë ku të dojë.

Telefonova mikun tim të shtëpisë, Blerimin, i cili merr me vete edhe shoqen e Elidonës, Olivertën dhe i themi: Na merr vajzën urgjent.

Blerimi e Oliverta habiten me këtë vendim të pashkak, megjithatë marrin Elidonën dhe largohen.

Të nesërmen, bashkëshorti mashtrues, mizor dhe i pabesë, bie në gjunjë i penduar për t?u pajtuar me Elidonën dhe ia arrin qëllimit.

Me gjithë ndërhyrjen tonë që të mos shkojë kurrë në shtëpinë e Lulzimit, Elidona nga presioni, pajtimi apo mashtrimi, i bindet dhe shkon tek Lulzimi më 29 janar.

Të nesërmen, Lulzimi (Arbeni) ?sëmuret? dhe Elidona e çon në spital më 30 janar.

E shohim duke qarë pranë të ?sëmurit?.

Më datë 31 janar përgatisin plaçkat për të ndërruar shtëpinë, gjoja të nesërmen sipas kontratës, që mund të ishte lidhë atë natë nga personat që vizituan shtëpinë.

Në mbrëmje kemi komunikuar me të dy, të cilët dukeshin jo vetëm të pajtuar për zënkën e së enjtes, por edhe të ?lumtur?.

Ishte presion apo pajtim?

Këtë nuk e kuptuam.

Elidona mbante bluzë me krahë të gjatë dhe një shall të madh në qafë.

Tani mendojmë se përse Lulzimi, kur mori Elidonën në Angli, i kishte thënë asaj mos merr unazën, as orën dhe varëset e qafës që ia kishte dhuruar në fejesë.

O Zot! Këtë e dëgjova me vonesë nga familja.

Të hënën, duke menduar se po ndërrojnë shtëpinë, nuk i telefonuam deri nga ora 10.,

Pastaj gjithë ditën telefonat nuk u hapën më.

Deri në darkë kur morëm vesh vdekjen e Elidonës.

Jam në ankth dhe në pritje të zbardhjes së kësaj tragjedie nga drejtësia britanike.

Presim me padurim të na vijë sa më parë pranë familjes trupi i pajetë i Elidonës.