web counter
LEXO PA REKLAMA!

SHKARKO APP

App Store
Google Play

E fundit!

x

Rritja e sigurisë në tregtimin e gazit/ Gati VKM-ja e re, ekspertët: Nuk e përmirëson situatën

5 Shkurt 2016, 07:32, Aktualitet CNA

Shpërthimet nga bombolat e gazit janë kthyer kohët e fundit gati në rutinë duke lënë dhjetëra persona të plagosur në të gjithë vendin, shtëpi të djegura dhe së fundmi një fëmijë katër vjeç humbi jetën në Tiranë pak ditë më parë.  Megjithëse ligjet dhe vendimet për rregullojnë kushtet e sigurisë nga tregtimi dhe përdorimi i gazit janë, por ato zbatohen në mënyrë të pjesshme, qeveria ka shpërndarë për konsultim në dhjetor te grupet e interesit një VKM të re për ?Përcaktimin e rregullave te tregtimit dhe përdorimit të sigurt te GLN?.

VKM detajon rregullat e tregtimit te gazit te lëngshëm te naftës (GLN) midis operatoreve te tregut (modeli i tregut) dhe ka fokus kryesor rritjen e sigurisë gjate tregtimit dhe përdorimit te GLN ne te gjithë hallkat deri tek konsumatori fundor.

Instalimi i pajisjeve për shfrytëzimin e GLN në ambientet tregtare dhe familjare do të realizohet nga persona të certifikuar. VKM detyron shoqëritë e tregtimit me shumicë të jenë të detyruara të mbajnë një regjistër në format shkresor dhe elektronik për bombolat e GLN.

Por, ekspertë të tregut pohojnë se VKM e re nuk do të përmirësojë situatën e sigurisë  për shkak se, kontrolli i sigurise i lihet tregtarit dhe nuk ka një institucion shtetëror të bëjë çertifikimin.

Gjithashtu VKM ka rregulluar çështjen e transportit e bombolave. Vendimi përfshin detyrimi per zbatim e Urdhrit te Ministrit Nr. 184, datë 05.07.2015 ?Për miratimin e kushteve teknike dhe normave të projektimit për impiantet dhe instalimet që shërbejnë për transportimin, depozitimin dhe tregtimin e naftës, gazit dhe nënprodukteve të tyre?.

VKM parashikon gjithashtu që:

-Shoqëritë e tregtimit me shumice, duhet të instalojnë brenda një periudhe 12 mujore, një sistem i cili bën të mundur ndjekjen dhe raportim në kohe reale të çdo bombole të mbushur prej saj.

-Shoqëria e tregtimit me shumicë të GLN duhet të disponojë certifikatat origjinale të konformitetit përpara mbushjes se bombolave të GLN.

-Përfshirja dhe e stacioneve të shitjes së karburanteve në rrjetin e tregtimi me pakicë të GLN në bombola.

-Përdoruesit e bombolave të GLN duhet të jene të pajisur me sisteme detektues dhe autobllokues të furnizimit me GLN.

Periudhe tranzitore 12-24 mujore për kontrollin teknik te bombolave ekzistuese./monitor.al

 

 

REPUBLIKA E SHQIPËRISË

KËSHILLI i MINISTRAVE

                                                                                                                                    (Projekt)

VENDIM

Nr. ____, Datë ___. ___. 2015

PËR PËRCAKTIMIN E RREGULLAVE TË TREGTIMIT DHE PËRDORIMIT TË SIGURT TË GAZIT TË LËNGSHËM TË NAFTËS (GLN)

 

Në mbështetje të nenit 100 të Kushtetutës dhe të neneve 14, 15 e 16, të ligjit nr. 8450, datë 24.2.1999, ?Për përpunimin, transportimin dhe tregtimin e naftës, gazit dhe nënprodukteve të tyre?, me propozimin e ministrit të Energjisë dhe industrisë, Këshilli i Ministrave

VENDOSI:

Neni 1

Qëllimi

 

Tregtimi i gazit të lëngshëm të naftës (GLN) kryhet nga persona juridikë, sipas rregullave të përcaktuara në këtë vendim dhe legjislacionit ne fuqi, pasi ato të jenë pajisur me licencën përkatëse sipas legjislacionit në fuqi.

 

Neni 2

Fusha e zbatimit

 

Dispozitat e këtij vendimi përfshijnë gjithë veprimtarinë e tregtimit të GLN qe përfshin mbushjen, furnizimin, kontrollin teknik, depozitimin, transportimin, instalimin dhe përdorim e sigurt e GLN në pajisje të transportueshme nen presion (bombola) me volum nga 5 litra deri në 50 litra.

 

 

Neni 3

Shoqëritë e tregtimit me shumicë të gazit të lëngshëm të naftës (GLN)

 

Neni 4

Mbushja e bombolave të gazit të lëngshëm të naftës (GLN)

Neni 5

Tregtimi me pakicë i gazit të lëngshëm të naftës (GLN)

 

Neni 6

Transportimi i bombolave të mbushura me GLN

 

 

Neni 7

Instalimi dhe përdorimi i bombolave të GLN

Në përfundim instaluesi plotëson një deklaratë konformiteti sipas Aneksit 1 bashkëlidhur këtij vendimi, ku vërtetohet se instalimi është kryer sipas rregulloreve teknike në fuqi. Në këtë deklaratë duhet të shënohen edhe përgjegjësitë e konsumatorit dhe detyrimet që ka për përdorimin dhe mirëmbajtjen e instalimit dhe bombolës se GLN. Deklarata vihet ne dispozicion te organeve te kontrollit kur ajo kërkohet. Verifikimi i integritetit të instalimit behet sipas rregullit teknik ne fuqi.

 

 

 

Neni 8

Organi i specializuar i kontrollit të tregut të hidrokarbureve qe përfshin GLN

Organi i specializuar për kontrollin e të gjithë veprimtarisë se tregut të hidrokarbureve qe përfshin GLN është inspektorati Shtetëror Teknik dhe industrial, i cili përgjigjet për kontrollin e:

 

Urdhri i Ministrit Nr. 184, datë 05.07.2015 ?Për miratimin e kushteve tekniuke dhe normave të projektimit për impjantet dhe instalimet që shërbejnë për transportimin, depozitimin dhe tregtimin e naftës, gazit dhe nënprodukteve të tyre? është i detyrueshëm per zbatim në perputhje me dispozitat e ketij neni, per sa nuk bie ndesh me aktet e tjera ligjore e nenligjore në fuqi.

 

Neni 9

Periudha Tranzitore

 

 

Ngarkohet Ministria e Energjisë dhe industrisë për zbatimin e këtij vendimi.

 

Ky vendim hyn në fuqi pas botimit në ?Fletoren zyrtare?.

 

K R Y E M i N i S T R i

EDI RAMA

MINISTRI i ENERGJISË DHE iNDUSTRISË

 

DAMIAN GJIKNURI





Lajmet e fundit nga