E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Vrau me thikë vajzën/ Ja çfarë dëshmoi në polici motra e plagosur

1 Shkurt 2016, 11:27, Kronika CNA

Një ngjarje e rëndë ndodhi dje në mbrëmje ku babai goditi me thikë dy vajzat e tij. Njëra prej tyre humbi jetën nga plagët e marra, ndërsa vajza tjetër u plagos dhe është jashtë rrezikut për jetën. Kujtim Ibraj, babai i Elidona, 17 vjeç (vajza që humbi jetën) dhe Elisabeta 23 vjeç, njihej si një person që konsumonte alkool. Në dëshminë e saj në polici, vajza e plagosur rrëfeu se babai i tyre konsumonte vazhdimisht alkool. Ajo tha se babai ishte grindur mbrëmjen e djeshme me nënën e më pas nxori një thikë duke goditur dy vajzat.

?Babai jeton në një pjesë të shtëpisë sonë. Ai vetëm pi, na shqetësonte vazhdimisht.
Nuk e denonconim babanë, se na vinte zor. Dje hyri në shtëpi, u grind me nënën dhe motrën. Kur i thamë se do ta largonim fare, babai mori thikën.?- deklaroi vajza.

Ngjarja
Mosmarrëveshjet në familje e kanë çuar nënën e fëmijëve të bëjë kërkesë për divorc me bashkëshortin Kujtim Ibraj, divorc i cili u firmos dy ditë më parë nga Gjykata e Tiranës. Çifti kishte 6 fëmijë, 4 vajza dhe dy djem, e meqë nuk kishte ku të shkonte, bashkëshortja pranoi që në një dhomë të shtëpisë së tyre të qëndronte ish-bashkëshorti.

Sipas fqinjëve, dy vajzat e familjes Ibraj ishin të fejuara dhe shumë të urta, ndërsa ditët e fundit dëgjonin Kujtim Ibrajn, t?i shante me zë të lartë nëpër lagje. E njëjta situatë ndodhi dhe të dielën mbrëma. Në gjendje të pirë Kujtim Ibraj ka filluar të shajë vajzat e tij e më pas ka marrë një automatik dhe është futur në dhomën ku po rrinin për t?i qëlluar.

Automatiku nuk shkrepi e në këtë moment Elidona 17- vjeçare ka lajmëruar në telefon policinë, duke i thënë se i ati po i vriste. Pikërisht në këto momente Kujtim Ibraj ka hedhur automatikun dhe rrëmbeu një thikë duke ia ngulur pa mëshirë së bijës 17-vjeçare.

Motra më e madhe, Esmeralda 22 vjeç është futur për t?ia hequr të motrën nga duart babait , por ka marrë dhe ajo plagë thike, fatmirësisht është jashtë rrezikut për jetën. Policia mbërriti menjëherë në vendngjarje, ndërsa ka arrestuar Kujtim Ibrajn si dhe ka marrë si provë mjetin me të cilin ai kreu krimin.