web counter
LEXO PA REKLAMA!

SHKARKO APP

App Store
Google Play

E fundit!

x

Foto + Video/ Shpallet në kërkim trafikanti i ikonave

30 Janar 2016, 10:45, Kronika CNA

Korçë– Policia ka shpallur në kërkim shtetasin Llulka Binjaku, 44 vjeç, pasi dyshohet se ka trafikuar nga Greqia për në Shqipëri ikona dhe vepra arti.

Burime nga policia bënë me dije se nga kontrolli i ushtruar në banesën e këtij shtetasi, në fshatin Ravonik, Korçë, iu gjetën dhe sekuestruan me cilësinë e provës materiale,  13 ikona kishtare,  3 panaorama,  1 tabaka material me ngjyrë si ajo e argjendit,  1 pasqyrë, ku pjesa e pasme është material metalik, me ngjyrë si ajo e argjendit,  5 pjata të lugëta, material metalik me ngjyre si ajo e argjendit dhe ajo e bakrit,  3 disqe, material metalik dhe prej druri,  2 vepra, punime druri.  1 medalion metalik, me ngjyrë si ajo e bronxit, 1 ibrik , material metalik me ngjyrë si ajo e bakrit, 5 ora tavoline, material metalik, me ngjyrë si ajo e bronxit dhe 2 kama me tehe, me përmasa nga 30 cm secila .

Policia sqaron se sendet e mësipërme, shtetasi Binjaku i ka trafikuar nga shteti Grek, për në Republikën e Shqipërisë, në periudha dhe kohë të ndryshme, duke pasur si objektiv shitjen e tyre, me qëllim përfitimin material. Këto objekte arti, kur janë kaluar nga Kufiri Grek për në Shqipëri, nuk kanë pasur asnjë dokument shoqërues deklarimi për to.





Lajmet e fundit nga