web counter
LEXO PA REKLAMA!

SHKARKO APP

App Store
Google Play

E fundit!

x

Fundjava/ Policia arreston 66 persona për shkelje të ndryshme

1 Shkurt 2016, 10:28, Kronika CNA

Në kuadër të rritjes së sigurisë në vend, Policia e Shtetit ka realizuar gjatë fundjavës një sërë aksionesh. Grupet e FNSH, Shqiponjave dhe patrullat, kanë kryer kontrolle në lokale, lojëra fati si dhe në akse rrugore për të parandaluar krimin, goditjen  e narkotrafikut dhe parandalimin e aksidenteve rrugore. Si rezultat i këtyre kontrolleve, gjatë fundjavës policia ka arrestuar 66 persona për vepra të ndryshme penale. Janë kapur e ndaluar 9 persona në kërkim, 3 persona për armbajtie pa leje, 11 persona për dhunë në familje, 18 persona nga policia rrugore për drejtim mjeti në gjendje të dehur, 9 persona në flagrancë për vjedhje, 8 persona për krime ndaj personit e kundërshtim të punonjësit të policisë, 8 persona për narkotikët, krimin ekonomik e financiar, e kallzim të rremë.

Gjithashtu janë proceduar penalisht 5 shtetas që ushtronin aktivitet të lojrave të fatit pa liçencë. Në sekuestrimin e armëve janë sekuestruar 5 armë zjarri ( 2 kallashnikovë, 2 automatikë dhe 1 çifte), si dhe 1435 fishë e 6 krehëra me fishekë.

Në luftën kundër drogës janë sekuestruar 15 doza Heroinë, dy doza Kokainë dhe 220 doza Mariuanë. Nga Policia Rrugore janë pezulluar 66 leje drejtimi për pije alkoolike e shpejtësi tej normave të lejuara. Janë ndëshkuar për në komision 57 drejtues mjetesh, janë bllokuar 34 automjete për mangësi në dokumentacion, si dhe janë vendosur 1233 masa administrative. Policia e Shtetit deklaron se po vijon punën me intensitet të lartë për parandalimin dhe goditjen e paligjshmërisë me qëllim rritjen e parametrave të sigurisë në vend.

[youtube url=”https://www.youtube.com/watch?v=YzOinmatjg0″ width=”560″ height=”315″]





Lajmet e fundit nga