E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rama afat deri më 7 mars kryebashkiakëve, deputetëve dhe drejtorëve të inkriminuar për t’u larguar

23 Janar 2016, 07:32, Aktualitet CNA

Shtatë marsi do të jetë afati i fundit që kryebashkiakët, drejtorët dhe zyrtarët e inkriminuar të japin dorëheqjen, përpara se të nisin verifikimet dhe të zbulohen lidhjet e tyre me krimin. Pavarësisht presionit dhe hyrjes në fuqi të ligjit të dekriminalizimit, asnjë zyrtar deri më sot nuk është dorëhequr. Në këto kushte, sipas ekspertëve pranë Partisë Demokratike dhe Partisë Socialiste, kur të inkriminuarit nuk po vetëlargohen, ata do të largohen me ligj duke nisur nga 7 marsi. Kjo datë do të shënojë dhe fillimin e procesit të vetëdeklarimit.

Burime nga grupi i deputetëve që hartuan ligjin e dekriminalizimit u shprehën për gazetën se qeveria do të shkojë deri në limitet e afatit për largimin e personave të inkriminuar. Nga ana e tyre, eksponentë të Partisë Demokratike thanë se duke qenë se personat e inkriminuar janë emëruar nga kjo qeveri, ata nuk presin që ajo t?i largojë me dëshirë, pasi do të jetë vetëm procesi i verifikimit që do i nxjerrë zbuluar ata që kanë pasur lidhje me krimin. Duke qenë se ligji i dekriminalizimt ka rreth dy javë që ka hyrë në fuqi, në bazë të tij asnjë institucion nuk duhet që të mbajë persona që janë dënuar për vlera kriminale. Por pavarësisht denoncimeve publike për shumë kryebashkiakë, deputetë, por dhe persona të administratës publike asnjë prej tyre nuk është larguar deri më tani.

Mësohet se shefi i qeverisë, Edi Rama, ka dhënë afate deri në limitet e fundit, kur do të nisë më pas dhe procesi i vetëdekarimit dhe i hetimit nga ana e prokurorisë. Sapo të miratohen aktet nën ligjore, do të nisë menjëherë dhe procesi i vetëdeklarimit, ku deputetë, ministra, kryebashkiakë dhe zyrtarë të tjerë do të duhet që të deklarojnë nëse janë dënuar nga gjykata. Mendohet që në fund të muajit shkurt të nisin dhe dorëheqjet e para, ndërkohë që për deputetët dhe kryebashkiakët pritet që të vendosë prokuroria, pas hetimeve që do të kryejë./Sot