E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ekspertët e Venecias: 2/3 dhe 3/5 janë zgjidhje të barabarta

22 Janar 2016, 19:18, Aktualitet CNA

Ekspertët e Komisionit të Venecias kanë deklaruar se zgjedhja e drejtuesve të institucioneve të drejtësisë me shumicë të thjeshtë apo të cilësuar është në të dyja rastet sipas standardeve. Përmes një konference për shtyp të mbajtur në përfundim të takimeve të zhvilluara në Tiranë, ata u shprehën se palët duhet të dakortësohen. Ndërsa thanë se reforma në Drejtësi është në rrugën e duhur, ata shtuan se ekspertët shqiptarë kanë bërë një punë të mirë në hartimin e draftit dhe se kanë pasur një bashkëpunim të mirë me ta.

?Çështja më e diskutueshme ka qenë shumica që duhet të përdoret për zgjedhjen e drejtuesve të organeve të ndryshme. Ekspertët kanë propozuar që të zgjidhen me 3 të pestat, ndërsa opozita që të zgjidhen me 2 të tretat. Të dyja këto opsione janë sipas standardeve evropiane, ndaj nuk ka nevojë për ndërhyrjen e Komisionit të Venecias?, ka deklaruar kreu i delegacionit të ekspertëve, Tomas Markert.

Por, ka theksuar ai, çështja e shumicës nuk është e vetmja çështje e rëndësishme sa i takon amendamenteve të Kushtetutës. “Në kuadër të procedurës së përzgjedhjes duhet të sigurohemi që kandidatët të kenë standarde. Sipas nesh, ekzistojnë disa opsione për zgjidhjen e kësaj situate dhe besoj se forcat politike në Shqipëri duhet të bien dakord?, ka nënvizuar Merkert.

Duke komentuar takimet e zhvilluara gjatë ditës, ekspertët kanë thënë njëzëri se bëhet fjalë për një çështje të komplikuar dhe e vuri theksin tek pikat ku duhet të fokusohet ajo.

?Kjo reformë është e domosdoshme për Shqipërinë. Kjo nuk është një reformë e thjeshtë, por duhet kohë për ta realizuar dhe duhet të rregullojë statusin e prokurorit, gjyqtarit dhe të luftojë korrupsionin. Ne e mbështesim vlerësimin e gjyqtarëve dhe prokurorëve, kemi dhënë detaje dhe rekomandime në takimet e zhvilluara, ndaj raporti i ndërmjetëm ka shumë faqe. Do të kemi edhe komente përfundimtare në raportin përfundimtar, por mund të them se reforma është në rrugën e duhur?, ka vijuar Markert.