E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Meta po del me koalicion më vete ?

22 Janar 2016, 10:40, Aktualitet CNA

Kreu i Kuvendit, Ilir Meta, tashmë ka rritur më tej peshën e tij në politikë. Në muajt e fundit ai ka qenë gjithmonë në qendër të vëmendjes për akuza korruptive, por edhe për shkak të pozicionit të tij në qeverisje.

Fillimisht Meta u akuzua ashpër nga opozita, por kjo e fundit duket e tërhequr, duke pritur që Ilir Meta të braktisë anijen e Edi Ramës dhe të hipë në anijen e opozitës ose minimalisht të provokojë zgjedhje të parakohshme. Nga ana tjetër kreu i parlamentit, me gjithë përplasjen e fortë që ka me kryeministrin Rama, herë pas here takohet me të duke kthjelluar ujërat e turbulluara.

Ndërkohë që opozita pret Metën me krahë hapur, Iliri darkon me Ramën në restorantin e mikut të dikurshëm të Lulzim Bashës, Irfan Hysenbelliu. Darkë që qetësoi zërat e fortë se vendi po shkonte drejt zgjedhjeve të parakohshme. Opozita nuk reagoi për të filluar sulmin ndaj Metës pas qetësimit të ujërave midis dy krerëve të mazhorancës. Ish-kryeministri Sali Berisha, prej disa javësh ka shkuar më tej, duke mos folur më për dyshen Rama-Meta, por për dyshen Rama ? Kokëdhima.

PD ende nuk ka thënë asnjë fjalë për Ilir Metën, por nga ana tjetër ky i fundit, edhe pse i qëndron qeverisjes me Ramën është duke u përgatitur për të dalë në zgjedhje me një koalicion të tijin për të luftuar si forcë kryesore politike në vend. Rama kërkon ta qetësojë, opozita e pret në gjirin e saj, ndërkohë Meta vazhdon lëvizjet e tij duke negociuar me Shpëtim Idrizin e PDIU, kreun e AKZ Kreshnik Spahiu, por edhe parti të vogla që mund të jenë pjesë e koalicionit të tij të mundshëm paraelektoral.

Kjo do ta çonte Metën në garë duke luftuar me disa parti të tjera për të nxjerrë një koalicion, i cili synimin e tij mund ta ketë vendin e parë apo të dytë, çka mund ti japë shansin Metës që të mos të jetë më ai ?Kingmaker?, por të kthehej në mbretin e vërtetë dhe rolin e tij ta zinte Rama ose Basha. Një aksion i ri i Metës që rrezikon jo pak forcat e mëdha politike, të cilat duken të mos jenë më aq të forta sa më parë./citynews