web counter
LEXO PA REKLAMA!

SHKARKO APP

App Store
Google Play

E fundit!

x

Inteligjenca gjermane “e pagoi mirë disidentin kroat”

21 Janar 2016, 22:00, Aktualitet CNA

Rudolf Wollwerth, një ish-zyrtar i Shërbimit Federal Gjerman të Inteligjencës, BND, dëshmoi në Mynih të martën se ai ishte në krye të komunikimit me emigrantin disident kroat Stjepan Djurekoviç, i cili u vra në vitin 1983.

Sipas të dhënave të BND-së, Djurekoviç punoi për inteligjencën gjermane nga viti 1975 deri në vitin 1983, pak muaj para se të qëllohej për vdekje në një garazh pranë Mynihut, ku ai printonte materiale propagandistike anti-jugosllave.

Zdravko Mustaç, i cili ishte kreu i shërbimit të sigurimit të shtetit jugosllav (SDB) në atë kohë, akuzohet se ka urdhëruar vartësin e tij Josip Perkoviç të organizonte vrasjen.

Wollwerth pohoi se viktima duhet të ketë qenë i rëndësishëm për inteligjencën gjermane, duke qenë se ?BND-ja po e paguante mirë Djurekoviçin?.

?Gjatë viteve që ai punoi për BND-në, Djurekoviç grumbulloi një sasi te madhe pasurie,? tha ai.

Ai shpjegoi se BND-ja e këshilloi Djurekoviçin të mos binte në sy, por ai nuk e ndoqi këtë këshillë dhe u bë aktiv në qarqet e emigrantëve kroatë.

?Djurekoviç besonte se BND-ja mund ta ndihmonte atë me botimin e librave në të cilët ai kritikonte regjimin jugosllav të asaj kohe,? tha ai.

Ai tha gjithashtu se Djurekoviç u ankua se mendonte se po ndiqej nga dikush.

Ivan Bandiç, i cili punonte për degën e SDB-së të Mostarit nga viti 1987 e në vazhdim, dëshmoi gjithashtu të martën nëpërmjet një lidhjeje me video nga Bosnja dhe Hercegovina, ku ai është konsull kroat.

Bandiç u pyet në lidhje me pretendimet e bëra nga një tjetër ish-zyrtar i SDB-së, Ivan Lasiç, i cili i tha gjykatës në Mynih majin e kaluar se ishte detyruar të jepte dëshmi të rreme kur ai dëshmoi në vitin 1992 për një komitet të parlamentit kroat i cili hetonte krimet e kryera në ish-Jugosllavisë.

Lasiç pretendoi se zv/presidenti i komitetit, Boze Vukusiç, e rrëmbeu atë dhe e mbajti rob për 15 ditë me radhë në Mostar në qershor të vitit 1992, derisa ai pranoi të jepte dëshmi të rreme.

Vukusiç është gjithashtu një dëshmitar i rëndësishëm i prokurorisë në gjyqin e Mustaçit dhe Perkoviçit dhe i tha gjykatës në Mynih në janar të vitit të kaluar se Perkoviç u përpoq të mos e lejonte atë të hetonte vrasjet nga shërbimet sekrete jugosllave.

Gjykatësi e pyeti Bandiçin nëse një deklaratë që ai i dha të revistës kroate Globus, duke thënë se Vukusiç kishte rrëmbyer Lasiçin ishte e vërtetë.

?Ky është një interpretim i lirë nga një gazetar dhe nga një intervistë të cilën unë nuk e autorizova. Informacionet që Vukusiç kishte rrëmbyer Lasiçi më erdhën nga palë të treta,? u përgjigj Bandiç.

Bandiç tha se ai ?kurrë nuk kishte marrë informacione zyrtare? në lidhje me rrëmbimin, ?vetëm thashetheme?.

Gjyqi do të vazhdojë javën e ardhshme, dhe seancat e fundit dëgjimore priten të mbahen në maj, edhe pse ato mund të zgjasin deri në korrik.





Lajmet e fundit nga