web counter
LEXO PA REKLAMA!

SHKARKO APP

E fundit!

x

Sali Berisha: Preferoj gatimet e Lirisë, nuk i frekuentoj restorantet

22 Janar 2016, 17:43, Aktualitet CNA

Berisha është nga të paktët politikanë që vaktet në restorante nuk i frekuenton thuajse fare, me përjashtim të drekave apo darkave zyrtare ku i duhet të respektojë protokollin. Ai preferon që të hajë nga gatimet e shtëpisë të zonjës së tij,  Liri Berisha. Gjithmonë është treguar i hapur për t`i treguar publikut familjen e tij, ku nuk ka kursyer edhe foto me të gjithë pjesëtarët e saj. Politikani pëlqen shumë peshkun e në përgjithësi ha pak, pasi mban regjim ushqimor. Gjithashtu, ai bën shumë ecje në fundjavë.
Në mëngjes Berisha pëlqen lëngun e qitros dhe bananen. Gjatë ditës në zyrë, sidomos tani në dimër, konsumon shumë çajin, madje edhe kafen e ka zëvendësuar me të.
Doktori është njohës shumë i mirë i verërave dhe preferencë të tij ka verën e kuqe të tipit “Merlot”.  Si një njeri me shqisë të mprehur, nëse dallon një konjak të mirë, por nga ata origjinalët ama, do ta shijonte më së miri atë nën shoqërinë e miqve.
Sali Berisha vazhdon karrierën e tij politike si deputet në Kuvendin e Shqipërisë dhe është i angazhuar në një sërë detyrash të tjera me qëllim publik./Revista Shije





Lajmet e fundit nga