web counter
LEXO PA REKLAMA!

SHKARKO APP

App Store
Google Play

E fundit!

x

7 shenjat që tregojnë se keni mungesë hekuri

20 Janar 2016, 16:05, Lifestyle CNA

Mungesa e hekurit është shkaktari më i madh i anemisë dhe në këtë rast gratë janë më të prekura se burrat. Anemia shkaktohet kur nuk ka mjaftueshëm hekur në trup për të prodhuar sasinë e duhur të hemoglobinës.

Hemoglobina është përbërësi kryesor i qelizave të kuqe të gjakut dhe shërben për transportimin e oksigjenit në trup. Nëse trupi nuk ka mjaftueshëm hekur për të prodhuar hemoglobinën, atëherë ulet numri i qelizave të kuqe të gjakut dhe indet e kanë më të vështirë të marrin oksigjenin që nevojitet. Kur ka mungesa të tilla, njerëzit kanë probleme me frymëmarrjen dhe ndiejnë lodhje.

Këto janë shtatë shenjat që tregojnë se keni mungesë të hekurit:

Shenjat si të nxira në lëkurë (që zakonisht shkaktohen kur vritesh), mund të shkaktohen edhe nga mungesa e hekurit ose trombocitet (pllakëzat e gjakut). Prandaj mund të këshilloheni me mjekun dhe të merrni ushqime me përmbajtje hekuri për të parë nëse shenjat do të zhduken.

Dëshira për të ngrënë akull mund të jetë një shenjë se keni anemi dhe trupi juaj ka mungesë të hekurit. Doktorët thonë se akulli lehtëson enjtjen e gjuhës, një nga simptomat e anemisë.

Çarjet dhe plagët në cepat e buzëve mund të tregojnë se keni mungesë të hekurit në trup. Studimet kanë treguar se 35% të njerëzve që iu çahen cepat e buzëve, kanë mungesë hekuri.

Njerëzit që kanë mungesë hekuri dëshirojnë shpesh të hanë miell misri, baltë, materiale pastrimi, kartona etj. Në këtë rast këshillohet të konsumoni ushqime me përmbajtje hekuri.

Rënia e flokëve mund të jetë një shenjë e mungesës së hekurit në trup. Nëse ju bien shumë flokët, duhet të konsultoheni me një mjek për të parë nëse hekuri është shkaku kryesor i rënies së flokëve.

Thonjtë që thyhen shpejt ose ata në formë luge janë shenja të mungesës së hekurit në trup.

Dhimbjet, therjet, shpimet ose mpirjet në këmbë mund të tregojnë se keni mungesë të hekurit./shendetesia.al





Lajmet e fundit nga