Flasin komunistët: Po njolloset LANÇ, Saliu dhe Rama spiunë me 4 pseudonime

19 Janar 2016, 07:51, Aktualitet CNA

Veteranët e luftës dhe ish-përkrahësit e Enver Hoxhës dhe regjimit komunist janë ndjerë të provokuar nga vendimi i qeverisë për të shqyrtuar nismën e heqjes së dekoratave, medaljeve dhe titujve, ish funksionarëve komunistë.

Në një prononcim për gazetën ?Sot?, Kryetari i Frontit të Majtë Shqiptar, Marko Dajti, ka hedhur akuza të forta ndaj Sali Berishës dhe Edi Ramës. Ai i paralajmëroi ata të mos njolloson luftën nacional çlirimtare.

?Për ne ky vendim është provokim i rëndë. Nuk kanë bërë komunistët e vërtetë krime. Krimet kanë bërë ata që u strehuan në Partinë Demokratike dhe Partinë Socialiste. Ne komunistët do t?u përgjigjemi borgjezëve. Kush do guxojë të njollosë LANÇ, Fronti i Majtë do i hapë dosjen çdo spiuni të shitur, çdo komunisti të shitur dhe të gjithë socialistëve që kanë tradhtuar idealet e majta për bëmat që kanë bërë baballarët e tyre. Të gjithë spiunët që kanë tradhtuar do t?i dekonspirojmë. Do të hapim edhe dosjen e kryeministrit në rini. Takimet me spiunët e huaj, që është takuar vazhdimisht. Me çfarë misioni ka luajtur basketboll? Ka pasur një pseudonim nga UDB dhe një pseudonim nga Sigurimi i Shtetit. Tani flet për luftën kundër komunizmit. Edhe pse Berisha është spiun me dy pseudonime. Berishën e konsiderojmë djali tonë plëngprishës?, u shpreh Marko Dajti.

Kritika ndaj vendimit për të hequr dekoratat kanë shprehur edhe ish anëtari i Byrosë Politike, Muho Asllani si dhe kreu i Partisë Komuniste Shqiptare 8 nëntori, Preng Çuni. Ky i fundit është shprehur se me këtë vendim, qeveria e ka humbur besimin e 1 milion shqiptarëve. Ai ka nënvizuar se kryeministri Edi Rama i është larguar idealeve për shkak të pazareve me Berishën.

?Mesa duket, qeveria në 5 vjetorin e vrasjes makabre në bulevard nga banditët e qeverisjes së asaj kohe, për bllokun atij që sot këtë bllok të vogël e ka bërë librin e korrupsionit e vjedhjes, sot ka ndërmend që kuadrin e ligjit të dekorimit të dekorojë vrasësit e djeshëm. Mazhoranca qeverisëse mesa duket do të vijojë “rrugën e konsensusit me opozitën” ose shqip rrugën e marrëveshjeve apo pazareve për interesa të tyre pragmatiste, duke shkelur kështu besimin e një milion votuesve. Qeveritarëve sot iu janë errësuar sytë nga pazaret e koncesioneve dhe si duket do të vijojnë rrugën turpit e tradhtisë jo vetëm ndaj interesave kombëtare por edhe baballarëve të tyre?, shprehet Çuni